Í þessum áfanga er lögð áhersla á þjónustugæði og þjónustusamskipti. Vakinn, gæða- og umhverfiskerfi ferðaþjónustunnar, er kynnt. Fjallað er um einkenni ferðaþjónustustarfa og ferðamanninn/gestinn sem viðskiptavin. Einnig er fjallað um samskipti í alþjóðlegu umhverfi þar sem sérstaklega er tekið á ólíkum viðhorfum og mismunandi menningu. Áhersla er lögð á tjáningu ásamt rafrænum samskiptum. Lögð er áhersla á að efla sjálfstæði, sjálfstraust og samskiptahæfni nemanda.
ÞJSK1SÞ02
Nemandi skal hafa öðlast þekkingu og skilning á:
mikilvægi góðrar þjónustu
þjónustugæðum og mikilvægi þess að setja sér skýr markmið í þeim efnum
ólíkum þörfum og væntingum viðskiptavina/ferðamanna/gesta
Nemandi skal hafa öðlast leikni í að:
skoða einkenni mannlegra samskipta
hlusta eftir og sinna ólíkum þörfum viðskiptavina/ferðamanna/gesta eftir mismunandi þjóðerni
vinna að bættri þjónustu og betri samskiptum
Nemandi skal geta hagnýtt þá almennu þekkingu og leikni sem hann hefur aflað sér til að:
eiga samskipti við fólk af ólíku þjóðerni, kyni og aldri byggt á skilningi og virðingu
tjá sig skýrt og skilmerkilega í rituðu og töluðu máli
taka ábyrgð á eigin framkomu, afstöðu og sýn á þjónustuhlutverkið
gera sér grein fyrir sérstöðu ólíkra starfa í ferðaþjónustu
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.