Það kom upp villa senda inn  Áfangi

    Áfangi Nánari upplýsingar


    Búið til: 1430213990.2

    Fag- og örverufræði kjöt- og bakaraiðnar
    FÖFM1IH04
    4
    Fag- og örverufræði matvælagreina
    fagleg vinnubrögð, hreinlætisfræði, innra eftirlit
    Samþykkt af skóla
    1
    4
    AV
    Í áfanganum er fjallað um færniþætti matvælagreina í bóklegri kennslu. Nemandinn kynnist straumum og stefnum í matvælagreinum og vinnsluaðferðum í hverri grein. Hann kynnist siðum og venjum og þeim kröfum sem gerðar eru um rétt vinnubrögð í matvælagreinum. Nemandinn fær kennslu í því að fylgja leiðbeiningum, t.d. uppskriftum o.fl. er tengjast störfum í matvælagreinum, svo og faglegum vinnubrögðum. Fjallað er um innra eftirlit, HACCP og nemandinn upplýstur um mikilvægi hreinlætis á vinnusvæði og búnaði m.a. til að koma í veg fyrir matarsjúkdóma. Einnig er farið yfir ábyrgð matvælaframleiðenda í því samhengi. Kynntar eru gildandi öryggisreglur um aðbúnað og hollustuhætti á vinnustöðum. Nemandinn lærir að gera hreinlætisáætlanir og er þjálfaður í að fylgja þeim eftir, ásamt því að kunna skil á helstu hreinsi- og sótthreinsiefnum. Lögð er áhersla á að glæða áhuga nemanda á náminu, efla sjálfstæði hans og sjálfstraust.
    engar
    Nemandi skal hafa öðlast þekkingu og skilning á:
    • mikilvægi starfa í matvælagreinum og þýðingu þeirra fyrir samfélagið
    • þeim færniþáttum sem viðhafðir eru við mismunandi störf í matvælagreinum
    • faglega réttum vinnubrögðum og mikilvægi þeirra við störf í matvælagreinum
    • hreinsiáætlunum HACCP
    • eiginleikum helstu ræstiefna og notkun þeirra
    • mikilvægi hreinlætis og þrifnaðar í matvælaframleiðslu
    • ábyrgð starfsfólks í matvæla- og veitingagreinum
    Nemandi skal hafa öðlast leikni í að:
    • vinna í matvælagreinum eftir fyrirfram ákveðnum verkferlum á faglegan hátt
    • vinna eftir uppskrift og fylgja leiðbeiningum
    • viðhafa gott persónulegt hreinlæti
    • þrífa tæki, áhöld og umhverfi samkvæmt reglum um þrif í matvælafyrirtækjum
    • nota algengustu ræsti- og sótthreinsiefni með tilliti til efnafræðilegrar uppbyggingar og umhverfisverndar
    • gera hreinlætisáætlanir og vinna samkvæmt þeim
    • fylgja fyrirmælum, uppskriftum og fleiri leiðbeiningum á réttan hátt
    Nemandi skal geta hagnýtt þá almennu þekkingu og leikni sem hann hefur aflað sér til að:
    • takast á við mismunandi störf í matvælagreinum og vinna við þau undir handleiðslu iðnmeistara eða tilsjónarmanns
    • fylgja viðurkenndum starfsaðferðum sem notaðar eru við störf í matvælagreinum
    • vinna skv. uppskriftum og leiðbeiningum frá viðkomandi yfirmanni/starfsmanni hverju sinni
    • vinna með hreinlætisáætlanir skv. gæðakerfi HACCP
    • ganga af öryggi um vinnusvæði með tilliti til hreinlætiskrafna út frá öryggi viðskiptavinarins
    • nýta fyrirbyggjandi aðferðir til að forðast matarsýkingar við störf sín
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.