Í áfanganum eru grunnþættir tungumálanáms þjálfaðir. Lögð er áhersla á rétta málnotkun, að nemendur geti tjáð sig í töluðu og rituðu máli og geti tekið þátt í samræðum. Nemendur lesa stutta texta, smásögur, fréttaefni og efni af Netinu. Hlustun og myndefni notað sem efniviður í ýmiss konar æfingar.
Nemandi skal hafa öðlast þekkingu og skilning á:
nokkrum undirstöðuatriðum enskrar málfræði
víðtækum orðaforða
enskri málnotkun
mismunandi málsniðum
Nemandi skal hafa öðlast leikni í að:
tjá sig um einfalda hluti munnlega og skriflega
skilja talað mál um kunnugleg efni
skrifa samfelldan texta um kunnuglegt efni
nýta sér uppflettirit, s.s. orðabækur, og leitarvélar á Netinu
Nemandi skal geta hagnýtt þá almennu þekkingu og leikni sem hann hefur aflað sér til að:
auka orðaforða sinn og samtalshæfni
kunna skil á helstu undirstöðuatriðum enskrar málfræði
afla sér upplýsinga og hagnýtt sér þær í námi
skrifa texta með viðeigandi málsniði
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.