Meginefni áfangans eru fjármál, tölfræði, prósentur, gröf og föll.
Efnisþættir sem teknir eru fyrir í áfanganum eru:
Fjármál: Prósentureikningur tengdur fjármálum, álagning, afsláttur, virðisaukaskattur, vextir, vaxtavextir, verðbólga, vísitölur, verðtrygging, skattamál, kjarasamningar, lífeyrir, séreignarsparnaður, hagnýt atriði sem snerta fjármál einstaklinga.
Tölfræði: Lesið úr töflum, línu-, stöpla- og skífuritum, slík rit teiknuð einkum með aðstoð töflureiknis. Meðaltal, miðgildi, tíðasta gildi og tíðni, unnið með gagnasöfn. Einföld framsetning og formúlur í töflureikni. Mikil áhersla er lögð á óuppsett dæmi og að dæmi séu sem hagnýtust og unnin í töflureikni.
Jöfnur: Lausn fyrsta stigs jafna.
Gröf og föll: Lesið úr gröfum, hlutföll, fallhugtakið, bein lína, veldisvísisföll og stærðfræðilíkön. Nemendur vinna í lokin samvinnuverkefni þar sem þeir tengja saman sem flesta þætti námsefnisins og kynna niðurstöður sínar fyrir samnemendum.
Engar
Nemandi skal hafa öðlast þekkingu og skilning á:
fjármálum, tölfræði, prósentum, gröfum og föllum eins og að framan greinir
Nemandi skal hafa öðlast leikni í að:
leysa öll algeng dæmi um prósentureikning, þ.m.t. útreikninga á virðisaukaskatti, samsettar prósentur, reikning vaxta og vaxtavaxta og að skilja og vinna með fjármálahugtök, s.s. vísitölu, verðbólgu og verðtryggingu, eins og að framan greinir
lesa úr tölfræðilegum upplýsingum og setja sjálfur fram upplýsingar skriflega eða myndrænt með aðstoð töflureiknis
gera einfalda tölfræðirannsókn og reikna meðaltal, miðgildi, tíðasta gildi og tíðni
leysa fyrsta stigs jöfnur
lesa úr gröfum, teikna graf beinnar línu í hnitakerfi og vinna með hallatölur og hlutföll
Nemandi skal geta hagnýtt þá almennu þekkingu og leikni sem hann hefur aflað sér til að:
skilja og meta á gagnrýninn hátt upplýsingar úr fjölmiðlum þar sem stærðfræði kemur við sögu, hvort sem þær eru skriflegar, talaðar eða myndrænar
skilja betur þá þætti sem hafa áhrif á fjármál einstaklinga og taka skynsamlegar ákvarðanir um eigin fjárhag
þýða margs konar verkefni úr daglegu lífi á stærðfræðimál, setja þau upp sem stærðfræðilegt viðfangsefni, leysa þau og meta hvort svör eru raunhæf
ræða um stærðfræðileg viðfangsefni við aðra og setja úrlausnir sínar fram skriflega eða myndrænt á skiljanlegan og snyrtilegan hátt, gjarnan með aðstoð tölvu
takast á við stærðfræðileg verkefni með opnum og jákvæðum hug