Myndun sólkerfisins, bergreikistjörnur og innri gerð þeirra, gasrisarnir, sólin okkar og orka hennar, innri gerð sólar. Þyngdarlögmál Newtons og beiting þess. Tunglið okkar og önnur tungl sólkerfisins, könnunarleiðangrar og saga geimferða. Halastjörnur og loftsteinar og útstirni. Önnur sólkerfi og leitin að lífvænlegum reikistjörnum. Sólir og æviskeið þeirra, geislunarafl, sýndar- og raunbirtustig, rauðir risar, hvítir dvergar, tifstjörnur, nifteindastjörnur og svarthol. Vetrarbrautir, útþensla alheims, stjörnuhiminninn.
EÐLI3VK05
Nemandi skal hafa öðlast þekkingu og skilning á:
hvernig og af hverju sólkerfið myndaðist
mismunandi gerðum bergreikistjarna og gasrisanna
myndun og þróun lofthjúps Mars og Venusar
hvernig Júpiter hefur áhrif á aðra hluta sólkerfisins
hverju helstu könnunarferðir hafa skilað
sögu tunglferða og kannana á Mars
hvað einkennir misstórar og misheitar stjörnur
helstu rannsóknaraðferðum stjörnufræðinga
Nemandi skal hafa öðlast leikni í að:
lesa sér til um tiltekin viðfangsefni og nýta til skilnings og þekkingar sem og við verkefnavinnu
nýta sér línurit, gröf, þversnið og myndir til skilnings
skilja orkuframleiðslu í stjörnum og tengslin við geislun
skilja hvaða ferli eru ráðandi við mismunandi æviskeið stjarna
skilja Hertzsprung-Russel línuritið
skilja hvað ákvarðar hvernig endalok sólstjarna verða
Nemandi skal geta hagnýtt þá almennu þekkingu og leikni sem hann hefur aflað sér til að:
beita jöfnum áfangans við lausn verkefna
skilja hvernig þyngdarlögmálið stjórnar hreyfingu reikistjarna, halastjarna, tungla og vetrarbrauta
skilja geislunarlögmál og hvernig litróf stjarna nýtist okkur, gleypniróf
geta útskýrt mikilvæg atriði um himingeiminn fyrir öðrum
sökkva sér í tiltekið viðfangsefni og öðlast greinargóða þekkingu á því
skilja stöðu okkar í sólkerfinu og innan vetrarbrautar
skilja flókin fyrirbæri út frá áður fenginni þekkingu t.d. um atómið
skilja mikilvægi þess að afla þekkingar á alheiminum fyrir okkur sem vitsmunaverur
Ekkert lokapróf. Námsmat tekur mið af þekkingar-, leikni- og hæfniviðmiðum með fjölbreyttum og viðamiklum verkefnum. Ritgerð og hugsanlega fyrirlestur um valið efni.