Markmið áfangans er að nemendur kynnist ýmsum grunnatriðum í eðlisfræði. Farið verður í útreikninga og mælingar í eðlisfræði, einfalda hreyfifræði, kraftfræði Newtons, skriðþunga, þrýsting, varðveislu orkunnar og ljósgeislafræði. Gert er ráð fyrir þessari grunnhæfni í framhaldsáföngum í eðlisfræði. Lausnir á dæmum og útreikningar sem tengjast eðlisfræði skipa stóran sess í áfanganum. Í verkefnavinnu er lögð áhersla á nákvæmni í framsetningu, röksemdafærslu og notkun formúla. Auk styttri verkefna er lögð áhersla á að nemandinn kynnist lögmálum eðlisfræðinnar af eigin raun með tilraunum.
NÁTT1EV05 (NÁT1A05)
Nemandi skal hafa öðlast þekkingu og skilning á:
helstu lögmálum og jöfnum sem tengjast grunnatriðum eðlisfræðinnar.
þeim aðferðum sem nauðsynlegt er að tileinka sér til að ná árangri í frekara námi í eðlisfræði.
Nemandi skal hafa öðlast leikni í að:
leysa á skipulegan og skýran hátt verkefni sem tengjast þekkingarviðmiðunum áfangans.
leiða út einfaldar jöfnur.
greina á skipulegan og skýran hátt frá þekkingaratriðum áfangans.
gera einfaldar tilraunir sem tengjast þekkingarmarkmiðunum.
fylgja leiðbeiningum við framkvæmd verklegra æfinga og framkvæma þær á ábyrgan og skipulegan hátt.
halda utan um rannsóknargögn á ábyrgan og skipulagðan hátt.
vinna skipulega og skynsamlega úr rannsóknargögnum.
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um og vinna með grunnatriði eðlisfræðinnar á skýran og skipulegan hátt sem metið er með skriflegum prófum og vinnubók.
sjá samhengið milli ólíkra þátta í námsefninu, rökstyðja skoðanir/niðurstöður og draga ályktanir á gagnrýninn hátt sem metið er með skriflegum prófum.
lesa sér til gagns texta, tákn, jöfnur og myndir sem tengjast náminu sem metið er með skriflegum prófum og vinnubók.
sýna ábyrgð, virkni, frumkvæði, sjálfstæði og skipulagningu í námi sem metið er með vinnubók, mætingu, ástundun í kennslustundum og sjálfstæðri verkefnavinnu.
Námsmat byggir á ástundun nemenda sem metin er með tímasókn, ástundun í kennslustundum, sjálfstæðri verkefnavinnu og vinnubók. Einnig byggir námsmatið á skriflegum prófum.