Í áfanganum er lögð áhersla á að nemendur öðlist dýpri og sérhæfðari orðaforða en áður og geti nýtt sér hann í öllum færniþáttum. Þeir eiga að geta tjáð sig lipurt bæði munnlega og skriflega. Lögð er áhersla á að nemendur geti beitt meginreglum danskrar málfræði, hljóðfræði og setningarfræði bæði munnlega og skriflega. Lögð er áhersla á að nemendur séu meðvitaðir um notkun mismunandi stílbragða við ritun texta. Þeir séu færir um að lesa flóknari texta en áður og geti áttað sig á dýpri merkingu þeirra. Í áfanganum er kynning á sænsku og norsku bæði munnlega og skriflega og kynning á málsögu norðurlandamála. Mikil áhersla er lögð á að nemendur beri ábyrgð á eigin námsfrávindu og sýni sjálfstæð vinnubrögð. Stefnt er að námsferð til Kaupmannahafnar.
DANS2SO03
Nemandi skal hafa öðlast þekkingu og skilning á:
menningu, hefðum, viðhorfum og gildum í dönsku samfélagi
uppbyggingu ritgerða, meðferð heimilda og helstu hefðum um uppsetningu skipulags ritaðs máls, s.s. greinarmerkjasetningu
orðaforða sem hæfir markmiðum áfangans og gagnast til undirbúnings á háskólastigi
Nemandi skal hafa öðlast leikni í að:
lesa sér til ánægju eða upplýsingar texta sem gera miklar kröfur til lesandans, ýmist hvað varðar orðaforða, túlkun eða stílbrögð
nota tungumálið í samræðum og til frásagnar og beita málfari við hæfi
beita ritmáli í mismunandi tilgangi, bæði formlegum og óformlegum
vinna með bókmenntatexta á fjölbreyttan hátt
nota meginreglur í málfræði, hljóðfræði og setningarfræði
skilja almennt talað mál og þekkja algengustu orðasambönd sem einkenna talað mál
Nemandi skal geta hagnýtt þá almennu þekkingu og leikni sem hann hefur aflað sér til að:
skilja almennt talað mál, fjölmiðlaefni, fræðigreinar og annað flóknara efni hvort sem hann þekkir umræðuefnið eða ekki ...sem er metið með... verkefnum og prófum
taka þátt í skoðanaskiptum og færa rök fyrir máli sínu, geta brugðist við óvæntum spurningum og geta tjáð sig á skýran og áheyrilegan hátt ...sem er metið með... munnlegri framsögn
tileinka sér efni ritaðs texta af ýmsu tagi, áttað sig á dýpri merkingu textans og lagt gagnrýnið mat á hann ...sem er metið með... verkefnum og prófum
beita rithefðum sem við eiga í textasmíð ...sem er metið með... verkefnum og prófum
skrifa skýran og vel uppbyggðan texta sem tekur mið af lesandanum ...sem er metið með... verkefnum og prófum
Lokapróf og annarvinna (ritgerð, miðannarpróf, hlustunarpróf og ýmsar kannanir og verkefni)