bókfærsla, dagbók, fyrsti áfangi, grunnatriði bókfærslu, inngangur að bókfærslu, uppgjör
Samþykkt af skóla
2
5
Í áfanganum er fjallað um bókhaldshringrásina og helstu reglur tvíhliða bókhalds. Fjallað er um grundvallarhugtökin eignir, skuldir, gjöld og tekjur. Lögð er áhersla á að nemendur verði færir um að annast almennar færslur í dagbók og aðalbók og öðlist skilning á bókhaldshringrásinni. Þeir öðlist hæfni til að gera uppgjör og setja fram efnahags- og rekstrarreikning. Nemendur fá innsýn í notkun flestra reikninga sem telja má til grunnreikninga í fjárhagsbókhaldi. Nemendur þekki tilgang bókhalds og kynnist helstu lögum um bókhald og virðisaukaskatt.
Engar
Nemandi skal hafa öðlast þekkingu og skilning á:
grundvallarhugtökum tvíhliða bókhalds.
bókhaldshringrásinni.
dagbókarfærslum.
aðalbókarfærslum.
rekstrarreikningi.
efnahagsreikningi.
viðskiptamannabók.
Nemandi skal hafa öðlast leikni í að:
færa einfaldar dagbókarfærslur.
stilla upp prófjöfnuði.
gera upp virðisaukaskatt og nota uppgjörsgögn þar að lútandi.
Nemandi skal geta hagnýtt þá almennu þekkingu og leikni sem hann hefur aflað sér til að:
hefja bókhald með hliðsjón af fyrirliggjandi efnahagsreikningi eða stofnun fyrirtækis og afrita í viðskiptamannabók samkvæmt skuldunauta- og lánadrottnafærslum í dagbókinni sem er metið með verklegum æfingum og skriflegu prófi.
færa niðurstöður dagbókar í aðalbók og gera upp viðskipti fyrir ákveðið tímabil sem er metið með verklegum æfingum og skriflegu prófi.
gera lagfæringar á bókhaldinu með hliðsjón af einföldum athugasemdum, svo sem varðandi afskriftir, birgðatalningu, fyrirfram og ógreiddan kostnað og sé fær um að setja upp rekstrar- og efnahagsreikning í lok reikningstímabils að teknu tilliti til athugasemda og lokafærslna. Þetta er metið með verklegum æfingum og skriflegu prófi.