Byggt er markvisst á þeirri kunnáttu sem nemendur hafa nú þegar tileinkað sér ritun í samræmi við þrep A2 í evrópska tungumálarammanum. Meginmarkmið er að auka og bæta orðaforða og tjáningarhæfni í spænsku. Í áfanganum er lögð áhersla á að nemendur séu færir um að skilja venjulegt talað og ritað mál almenns eðlis. Nemendur kynnist frekar menningu spænskumælandi landa. Áhersla er lögð á aukinn orðaforða og lesskilning. Til þess að þjálfa þessi atriði er meðal annars tekið mið af eftirfarandi: matvæli og heilsa, matur og drykkur. Verslun, smáauglýsingar og hús.
SPÆN1MT05
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná leikni- og hæfnimarkmiðum áfangans
grundvallarþáttum spænsks málkerfis: framburði, áherslu og einfaldri setningaskipan
spænskumælandi löndum, og fengið innsýn í menningu og siði þjóðanna
einföldum samskiptum og tjáningu í mæltu og rituðu mál.
spænska málkerfisins - Orðaforða og atriðum er varða: matvæli og heilsa, matur og drykkur, verslun smáauglýsingar og hús
Nemandi skal hafa öðlast leikni í að:
skilja frásagnir og umræður um kunnugleg efni þegar talað er hægt og skýrt
taka þátt í samræðum um afmörkuð undirbúin efni og um efni sem hann þekkir
miðla upplýsingum um málefni sem hann hefur kynnt sér
skrifa fremur stutta samfellda texta svo sem samantektir, endursagnir og frásagnir af eigin reynslu
Nemandi skal geta hagnýtt þá almennu þekkingu og leikni sem hann hefur aflað sér til að:
meðtaka daglegt mál, s.s. samræður og fjölmiðlaefni ef hann þekkir til efnisins og talað er skýrt
tjá skoðun sína á lesnum texta ...sem er metið með... verkefnum, prófum og munnlegri framsögn
ræða við aðra af nokkru öryggi um efni sem hann þekkir vel
miðla upplýsingum um undirbúið efni í ræðu og riti
leysa úr viðfangsefnum einn eða í samstarfi við aðra og beita til þess viðeigandi mál-og samskiptavenjum
hagnýta á mismunandi hátt efni ritaðra texta af ýmsum toga ...sem er metið með... verkefnum
Fjölbreytt námsmat endurspeglar markmið áfangans í öllum færniþáttum í samræmi við evrópsku tungumálamöppuna (ETM).
símat sem byggist á ýmsum munnlegum og skriflegum verkefnum sem unnin eru yfir önnina.