Þá er helst lögð áhersla á líkamsþroska, vitsmunaþroska, og félags-og tilfinningaþroska og efnið tengt lífi nemenda og samfélagi. Nemendur skulu fá þjálfun í aðferðum við rannsóknir, skrifum rannsóknarskýrslna og almennri heimildavinnu bæði á íslensku og ensku. Viðfangefni er þroski frá getnaði til unglingsára. Einnig má fara í þroskaviðfangsefni frá unglingsárum til öldrunar og taka fyrir álitamál eftir áhuga nemenda
SÁLF2HS05
Nemandi skal hafa öðlast þekkingu og skilning á:
helstu þroskasviðum mannsins s.s. líkamsþroska, vitsmunaþroska, félags- og tilfinningaþroska
kenningum er varða þroska ásamt hugtökum sem þeim tengjast
viðfangsefnum, rannsóknaraðferðum og helstu álitamálum þroskasálfræðinnar í samfélaginu
áhrifum mismunandi umhverfisáhrifa á þroska barna
Nemandi skal hafa öðlast leikni í að:
lesa sálfræðitexta bæði á íslensku og ensku
bera saman kenningar
beita helstu hugtökum þroskasálfræðinnar í ræðu og riti og tengja þekkingu sína við samfélagið
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig skipulega í ræðu og riti og taka þátt í umræðum um þroskasálfræði
geta nýtt sér bæði íslenskar og erlendar heimildir og notað þær á réttan hátt
ástunda viðurkennd vinnubrögð og taka ábyrgð á vinnu sinni
meta rannsóknarniðurstöður og trúverðugleika heimilda
Skal vera fjölbreytt og innifela minnst þrjár af þessum aðferðum: Skrifleg próf með krossaspurningum; stuttum og löngum svörum; tímaverkefni, bæði einstaklingsverkefni og hópverkefni; stærri skrifleg verkefni s.s. heimildaritgerðir, skýrsluverkefni, greinargerðir og lesverkefni; fyrirlestrar eða munnlegar greinagerðir eða kynningar; leiðsagnarmat