Áfanginn er seinni áfangi af tveimur sem fjalla um lífeðlisfræði lífvera. Fjallað verður um vefi, líffæri og líffærakerfi mannsins en samanburður verður einnig gerður við aðrar lífverur. Skoðuð verða innbyrðis tengsl líffærakerfa og viðhald stöðugleika í líkamanum. Farið verður yfir byggingu og starfsemi taugakerfis, þvagkerfis, öndunarkerfis og æxlunarkerfis. Fjallað verður um efnaskipti og líkamshita, byggingu og hlutverk húðar og farið yfir mikilvæg atriði í þroskunarfræði. Rætt verður um heilbrigða starfsemi líkamans og algengustu frávik. Nemendur fá að kynnast efninu á sem fjölbreyttastan hátt með verklegum æfingum og fjölbreyttum verkefnum
LÍFF2LE05
Nemandi skal hafa öðlast þekkingu og skilning á:
líffærum: virkni mismunandi líffæra og samspil líffæra
líffærakerfum: hlutverki, líffærum í hverju líffærakerfi og tengsl líffærakerfa
starfsemi og skiptingu taugakerfis
úrgangslosun og efnastjórn
öndunarkerfi og stjórnun þess
stjórnun líkamshita og orkumyndun líkamans
byggingu húðar og þátt í hitatemprun
æxlun, getnaði, fósturþroska og helstu getnaðarvörnum
Nemandi skal hafa öðlast leikni í að:
nýta lífeðlisfræðilegar upplýsingar í máli og myndum
greina frá heilbrigðri starfsemi líffæra og líffærakerfa
bera saman mismunandi vefi og líffæri, t.d. hlutverk nýrna og lifrar í þveiti
meta viðbrögð líkamans við mismunandi umhverfisaðstæðum, t.d. hita og raka
reikna út áhrif ýmissa efna á líkamsstarfsemina, t.d. aukið magn koltvísýrings í blóði
Nemandi skal geta hagnýtt þá almennu þekkingu og leikni sem hann hefur aflað sér til að:
draga ályktanir af mælingum og tilraunum á líkamsstarfsemi
geta tjáð sig munnlega og skriflega um starfsemi líkamans
nýta og meta heimildir til þess að leysa verkefni
skoða sjúkdóma í mannslíkamanum og bera saman við eðlilega starfsemi
geta metið áhrif öldrunar á líkamsstarfsemina
meta þá áhættu sem stafar af vímuefnanotkun
taka ábyrgð á eigin lífsháttum og heilsu
Námsmat áfangans verður fjölbreytt og mun taka mið af þekkingu, leikni og hæfni nemenda. Matið gæti t.d. samanstaðið af prófum, mati á verkefnum t.d. ritgerð, skýrslum og fyrirlestrum nemenda, jafningjamati í hópavinnu, dagbókarskrifum nemenda, mati á virkni og þátttöku í umræðum