Í áfanganum læra nemendur að vinna með PHP vefforritunarmálið til þess að nota í vefsíðugerð ásamt HTML og CSS.
Markmið áfangans er að stuðla að öflugri færni þátttakenda í notkun á PHP, HTML og CSS forritunarmálum við að hanna vefsíður. Vefsíðurnar eru síðan hýstar á vefþjóni sem nemendur tengjast og vinna á í gegnum FTP forrit. Lögð er áhersla á frumkvæði, ábyrgð og almennar vinnureglur tengdar forritunarvinnu og vinnu á Netinu.
Áhersla er lögð á að námskeiðið nýtist sem góður undirbúningur fyrir frekara nám eða störf. Kennslan byggist einkum á verkefnavinnu nemenda og skilum á verkefnum
VFOR1HC05
Nemandi skal hafa öðlast þekkingu og skilning á:
hvaða forritunarmál eru keyrð á miðlara (e. server-side) og hvaða forritunarmál eru keyrð á biðlara (e. client)
helstu grunnaðgerðum í PHP forritunarmálinu
hvernig vefforritunarmálið PHP vinnur með HTML og CSS í vefsíðugerð
hvernig COOKIES og SESSION eru notuð til að láta vefkerfi geyma upplýsingar tímabundið
hvernig á að leita að villum í forritunarkóðanum, greina þær, greina orsökina og leysa úr þeim
hvernig uppsetning á PHP forritunarkóða á að vera
hvar er gott að finna útskýringar á PHP forritunarkóðum á Netinu
Nemandi skal hafa öðlast leikni í að:
að vinna með helstu aðgerðir í PHP forritunarmálinu
að vinna með PHP forritunarkóða í tengslum við HTML og CSS forritunarkóða til að setja upp einfaldar vefsíður
að aðgreina smáskipanir í sérskjöl sem vefsíðan getur kallað í eftir þörfum
að lesa villuskilaboð og geta greint þau
að setja upp forritunarkóða á réttan hátt
sjálfstæðum vinnubrögðum
að nota Netið sem hjálpartæki
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp einfaldar vefsíður með notkun PHP, HTML og CSS forritunarmálanna
að samtengja aðgreindar smáskipanir sem eru gerðar með PHP við vefsíður með forritanlegum aðgerðum
lagfæra villur í forritunarkóða út frá villuskilaboðum
hafa forritunarkóðana rétt uppsetta
hafa vinnuskjöl sem notuð verða á Netinu rétt uppsett
hafa vinnusvæðin skipulögð
tengjast netþjónum með FTP forritum og færa skjöl á milli einkatölvu og netþjóns
vinna sjálfstætt að verkefnum
geta leitað á Netinu að upplýsingum um forritunarkóða sem hann skilur ekki
Þekking er metin jafnt og þétt yfir tímabilið með verkefnum unnum í tímum og heima, einnig með áfangaprófum og stóru lokaverkefni.
Leikni er metin út frá vinnubrögðum við uppsetningu, byggingu og frágang forritunarkóða.
Hæfni er metin í verkefnavinnu og prófum út frá getu nemandans til þess að hanna og setja upp vefsíðu. Einnig er hæfnin metin með því að nemendur lesa tilbúinn forritunarkóða og geti útskýrt virknina á bakvið hann.