Það kom upp villa senda inn  Áfangi

    Áfangi Nánari upplýsingar


    Búið til: 1431445028.67

    Landafræði
    LAND2SJ05
    9
    landafræði
    Sjálfbærni
    Samþykkt af skóla
    2
    5
    Í áfanganum er fjallað um samspil manns og náttúru á Jörðinni með áherslu á þróun í átt til sjálfbærni. Kynnt eru grunnhugtök sjálfbærni og tengsl hennar við hagfræði, gerð grein fyrir algengum sjálfbærnivísum, náttúrusiðfræði og þróun umhverfismála á heimsvísu. Meginefni áfangans fjallar síðan um samspil og jafnvægi umhverfis, félagslegra þátta og efnahags í þróun samfélagsins. Gerð er grein fyrir fólksfjölgun, orsökum hennar og afleiðingum. Fjallað um helstu náttúruauðlindir með áherslu á Ísland, verndun þeirra og nýtingu. Nemendur læra um helstu viðfangsefni í umhverfismálum nútímans eins og mengun og veðurfarsbreytingar. Fjallað er um heilsusamlegt umhverfi, örugga förgun úrgangsefna og endurvinnslu. Lögð er sérstök áhersla á aðferðafræði nýsköpunar og frumkvöðlastarfs varðandi viðfangsefni sem tengjast þróun í átt að sjálfbærni.
    Engar
    Nemandi skal hafa öðlast þekkingu og skilning á:
    • hvað felst í sjálfbærni og sjálfbærri þróun.
    • hvaða gildismat liggur að baki sjálfbærni.
    • tengslum sjálfbærni og hagfræði.
    • þeim vandamálum sem felast í mikilli fólksfjölgun og jafnrétti innan og milli kynslóða.
    • helstu náttúruauðlindum á Íslandi og stjórnun þeirra.
    • helstu umhverfisvandamálum í heiminum, orsökum þeirra og afleiðingum.
    • mengun og úrgangi, úrgangsförgun og endurvinnslu.
    Nemandi skal hafa öðlast leikni í að:
    • tengja saman sjálfbæra þróun og daglega breytni.
    • taka afstöðu til hluta í daglegu lífi sínu í samræmi við markmið um sjálfbærni.
    • rökstyðja afstöðu sína til helstu umhverfis-verkefna í samræmi við vísindalegar niðurstöður.
    • flokka úrgang og farga spilliefnum.
    • endurnýta og endurvinna úrgang.
    • skilja mikilvægi náttúrunnar og góðrar umgengni um hana með áherslu á Ísland.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • taka afstöðu til verkefna daglegs lífs í samræmi við sjálfbæra þróun samfélagsins sem metið er með verkefnum, kynningum og rökræðum.
    • skilja samhengið á milli félagslegra þátta, efnahagslífs og umhverfis í sjálfbærri þróun samfélagsins sem metið er með verkefnum, kynningum, rökræðum, dagbók og prófum.
    • átta sig á hvernig jafnrétti innan og milli kynslóða er forsenda sjálfbærni sem metið er með verkefnum og rökræðum.
    • draga út mengun og förgun úrgangs eins og hægt er sem metið er með verkefnum, dagbók og prófum.
    • skilja mikilvægi endurnýtingar og endurvinnslu sem metið er með verkefnum og kynningum.
    Lögð er áhersla á fjölbreytt námsmat sem er líklegt til að fá nemendur til að tengja saman daglegt líf sitt og sjálfbæra þróun. Í þessu skyni er lögð áhersla á verkefnavinnu, dagbækur, rökræður og kynningar á viðfangsefnum áfangans en einnig leiðsagnarmat, jafningjamat og próf. Í námsmatinu er sérstaklega tekið mið af frumkvöðlahugsun og nýsköpun við lausn verkefna.