Efni áfangans eru fjölbreyttir þættir sem snerta áhugasvið og daglegt líf nemenda og tengslin við samfélagið og vinnumarkað. Þeir þættir sem verða teknir til umfjöllunar eru: a) eigin áhugi og áhugasviðskannanir, b) vinnumarkaður; réttindi og skyldur, ferilskrár, starfsumsóknir og atvinnuviðtöl, c) fjármálalæsi; eigin fjármál, neysluviðmið.
NÁSS1FN05
Nemandi skal hafa öðlast þekkingu og skilning á:
eigin áhugasviði og hvaða vísbendingar það gefur varðandi val á námleiðum eða störfum
ólíkum störfum á vinnumarkaði og þekki vel til starfsumhverfis nærsamfélagsins
helstu þáttum sem snerta gildi, kröfur, réttindi og skyldur á vinnumarkaði
fjármálahugtökum ásamt umfjöllun um auglýsinga og neyslusamfélagið
ferli atvinnuumsókna, atvinnuleitar og gerð ferilskrár
Nemandi skal hafa öðlast leikni í að:
afla og vinna með upplýsingar um eigin neyslu
vega og meta hvort nám eða starf sé í samræmi við áhugasvið og hæfni
fylgja því ferli sem þarf til að sækja um atvinnu
skipuleggja, taka réttar ákvarðanir og bera ábyrgð á eigin fjármálum og neyslumynstri
horfa gagnrýnið á auglýsingar og taka sjálfstæða afstöðu til auglýsinga
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér námsleið sem hentar
greina og meta sjálfan sig á raunhæfan hátt og setja sér markmið með tilliti til áhugasviðs
setja saman ferilskrá, bera sig að í atvinnuleit og atvinnuviðtölum
lesa í fjármálatilboð; lesa auglýsingar og draga úr markaðsvæðingu
Námsmat er útfært í kennsluáætlun í samræmi við skólanámskrá.