Efni áfangans eru þættir sem snerta umhverfismál; sjálfbærni, náttúruauðlindir, umhverfissiðfræði, umhverfisvitund og neysluvenjur. Einnig er fjallað um borgaravitund; jafnrétti, staðalmyndir og lýðræði, alþjóðasamfélagið og fjölmenningu. Áhersla er lögð á tjáningu; flutning formlegra og hálf-formlegra erinda, framkomu og tjáningu eigin skoðana.
NÁSS1ÁV05
Nemandi skal hafa öðlast þekkingu og skilning á:
hugtökum sem snerta umhverfismál og umhverfisvitund, s.s. sjálfbærni
umhverfismerkingum, eigin neysluvenjum og áhrifum þeirra á eigin velferð og umhverfið
formi tjáningar, hvernig skal undirbúa og flytja munnlegt erindi við mismunandi aðstæður
umfjöllun um alþjóðasamfélagið og fjölmenningu sem varða jafnrétti og lýðræði
þáttum sem hafa áhrif á samskipti og ágreiningsstjórn
Nemandi skal hafa öðlast leikni í að:
afla og vinna með upplýsingar um nýtingu náttúruauðlinda
taka þátt í samræðum sem varða umhverfisvitund og sjálfbærni á ábyrgan og rökrænan hátt
greina og meta aðstæður er tengjast fjölmenningu, jafnrétti, lýðræði og staðalmyndum
undirbúa málflutning í mismunandi aðstæðum og færa rök fyrir skoðunum sínum og afstöðu
skoða samskipti, ágreining og tilfinningar á jákvæðan og hagnýtan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
meta áhrif eigin lifnaðarhátta á umhverfið og geta hagrætt neysluvenjum með tilliti til sjálfbærni
taka upplýsta afstöðu til ólíkra þátta sem tengjast fjölmenningu s.s. ólíkrar menningar, kynhneigðar og trúarbragða
meta og gera grein fyrir aðstæðum og þáttum sem tengjast fjölmenningu og alþjóðavitund
taka upplýsta afstöðu til almennrar umfjöllunar um umhverfismál
flytja mál sitt á sannfærandi og öruggan hátt, beita líkamanum rétt í flutningi
Námsmat er útfært í kennsluáætlun í samræmi við skólanámskrá.