Nemendur læra um eðli og uppbyggingu frumforma. Unnið er að því að auka skilning nemenda á samspili forma, ljóss og skugga. Einnig þjálfast nemendur í að teikna skissur eftir fyrirmyndum og nýta teiknikunnáttu sína til að útfæra eigin hugmyndir.
Nemandi skal hafa öðlast þekkingu og skilning á:
helstu teikniaðferðum á tvívíðan flöt, s.s. blýantsteikningu, beita kolum og krít, túss og bleki
hvernig nota má mismunandi teikniaðferðir til að útfæra hugmyndir
grunnlögmálum og reglum um myndbyggingu
ýmsum hugtökum teiknilistarinnar, s.s. línu, takti, skyggingu, pósitífu/negatífu rými, áferðum
hvernig margir helstu listamenn heims hafa notað teikninguna í verkum sínum
Nemandi skal hafa öðlast leikni í að:
teikna frumformin út frá ísómetríu: teningur, kúla, sívalningur og keila
skyggja með tilliti til skuggavarps
nýta sér þekkingu á frumformunum til að teikna eftir fyrirmynd
teikna einfaldar skissur eftir fyrirmyndum
nýta sér skissubók sína sem hugmyndabanka
nota blýant sem hlutfallamælistiku fyrir lóðréttar-, láréttar- og skálínur
teikna mannslíkamann
vinna sjálfstætt
Nemandi skal geta hagnýtt þá almennu þekkingu og leikni sem hann hefur aflað sér til að:
setja teikningu í menningarlegt og sögulegt samhengi
nýta teiknikunnáttu sína til að útfæra eigin hugmyndir
skilja samspil forma, ljóss og skugga í umhverfinu og í myndverkum
vinna með myndbyggingu og jafnvægi í verkum sínum
ákveða og velja þær teikniaðferðir sem best henta viðfangsefninu hverju sinni
taka þátt í almennum umræðum og gagnrýni á verk sín og annarra
undirbúa og vinna sjálfstætt að lokaverkefni áfangans
Kennari leggur mat á virkni og ástundun nemandans í tímum. Helstu þættir eru vinnubrögð, færni, skissubók og heimavinna.