Áfanginn er fyrri byrjunaráfangi í íslensku fyrir tvítyngda nemendur sem hafa takmarkað vald á íslensku og er ISLA1MT05 tekinn samhliða þessum áfanga. Markmiðið er að nemendur tileinki sér undirstöðuatriði tungumálsins. Byggi upp orðaforða og þjálfist í að tjá sig um sjálfa sig og sitt nánasta umhverfi. Einnig er áhersla á að nemendur læri að tjá sig um sín áhugamál og framtíðaráform og þjálfist í hlustun, ritun, lestri og tali. Áhersla verður á grunnatriði málfræðinnar og þjálfaður verður framburður á íslenskum bókstöfum og styttri orðum. Áfanginn raðast á A2 samkvæmt Evrópsku tungumálamöppunni (ETM).
Grunnkunnátta í íslensku. Metið með stöðuprófi í upphafi annar.
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta markmiðum áfangans
grundvallarþáttum íslenska málkerfisins
framburði íslenskra bókstafa
nærumhverfi sínu og geta talað um áhugamál sín á íslensku
Nemandi skal hafa öðlast leikni í að:
geta skilið talað mál um kunnugleg efni þegar talað er hægt og skýrt
taka þátt í einföldum samræðum um efni sem nemandinn þekkir
lesa einfaldan texta sem tengist umhverfi, fjölskyldu og áhugamálum
geta skrifað stuttan texta um sjálfan sig, fjölskyldu sína og áhugamál
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega um efni sem hann þekkir
skilja einfalt talað mál
skilja einfalda skriflega texta
Þekking er metin með hlutaprófum, könnunum og verkefnum sem unnin eru heima og í kennslustundum.
Leikni er metin með fjölbreyttum verkefnum og könnunum sem taka mið af færniþáttunum fjórum samkvæmt ETM (tali, hlustun, lestri og ritun).
Hæfni er metin í verkefnavinnu og með hlutaprófum samkvæmt markmiðum ETM.