Áfanginn er ætlaður sem grunnáfangi í íslensku fyrir tvítyngda nemendur sem hafa tekið stöðupróf og geta bjargað sér að einhverju leyti á íslensku. Nemendur tileinka sér undirstöðuatriði tungumálsins, auka við orðaforða sinn og þjálfast í hlustun, ritun, lestri og tali. Áhersla er á að læra að spyrja til vegar, geta talað um liðna atburði, geta skrifað stutt bréf og þjálfa grunnatriði málfræðinnar. Lögð er áhersla á hugtök annarra námsgreina þar sem nemendur velja sér ákveðið umfjöllunarefni sem tengist öðru námsefni sem þeir stunda samhliða íslenskunáminu og kynna fyrir samnemendum. Áfanginn raðast á B1 samkvæmt Evrópsku tungumálamöppunni (ETM).
Stöðupróf eða hafa lokið ISLA1BE05 og ISLA1BT05
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta markmiðum áfangans
grundvallarþáttum íslenska málkerfisins
einföldum hugtökum annarra námsgreina
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt og fylgja fyrirmælum í kennslustofunni á íslensku
lesa einfaldan texta og taka þátt í umræðum sem innihalda algengan orðaforða
afla sér hagnýtra upplýsinga og taka þátt í einföldum samræðum um efni sem hann þekkir
skrifa stutta og einfalda texta, samtöl og skilaboð um kunnugleg efni sem tengjast viðfangsefni áfangans (í nútíð og þátíð)
skilja einföld hugtök annarra námsgreina
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega um efni sem hann þekkir til
geta skilið einfalt talað mál og einfalda texta
tileinka sér aðalatriðin í stuttum tímarits- eða blaðagreinum sem innihalda algengan orðaforða og geta dregið ályktanir af því sem hann les
miðla efni sem hann hefur aflað sér þekkingar á á fjölbreyttan og skapandi hátt, m.a. með notkun upplýsingatækni
skrifa einfalda texta um hugðarefni sín, áhugamál og atburði, ímyndaða og raunverulega
nýta sér hugtök annarra námsgreina
Þekking er metin með lokaprófi, skriflegum könnunum og verkefnum sem bæði eru unnin heima og í kennslustundum.
Leikni er metin með fjölbreyttum verkefnum og könnunum sem taka mið af færniþáttunum fjórum samkvæmt ETM (tali, hlustun, lestri og ritun).
Hæfni er metin í verkefnavinnu samkvæmt markmiðum ETM og með prófum sem meta hæfni nemanda í að skilja lesinn og ólesinn texta, grunnatriði í íslenskri málfræði sem og ritunarfærni nemanda.