Í áfanganum er lögð áhersla á að nemendur séu færir um að skilja allt venjulegt talað og ritað mál almenns eðlis. Nemendur kynnist frekar danskri menningu með því að lesa fréttir og greinar á netinu og fylgjast með málefnum líðandi stundar í Danmörku. Jafnframt er lögð áhersla á aukinn orðaforða og lesskilning svo þeir geti beitt ólíkum lestraraðferðum og tjáð sig af lipurð bæði munnlega og skriflega. Nemendur geri sér einnig ljósa eigin ábyrgð í málanámi og átti sig á mikilvægi eigin frumkvæðis og vinnu.
engar
Nemandi skal hafa öðlast þekkingu og skilning á:
einkennum danskra siða, menningar og þjóðfélags
hvernig hann aflar sér viðeigandi orðaforða á markvissan hátt
hvernig hann stuðlar að eigin framförum í málanáminu
beitingu upplýsingatækni við málanámið
Nemandi skal hafa öðlast leikni í að:
skilja heildarinntak í munnlegum frásögnum og samtölum um efni almenns eðlis
hlusta eftir og skilja smáatriði í samtölum, tilkynningum og frásögnum þar sem nauðsynlegt er að skilja til fullnustu það sem sagt er
lesa í ólíkum tilgagni og beita ólíkum lestaraaðferðum (leitarlestur, yfirlitsrestur, hraðlestur og námkvæmnislestur)
lesa sér til gagns og ánægju og geta sér til um merkingu orða út frá samhenginu
taka óundirbúinn þátt í samtölum við ólíka viðmælendur um efni sem hann þekkir eða tengjast daglegu lífi
segja nokkuð lipurlega frá ýmsu sem hann hefur áhuga á og haldið rökréttum þræði í frásögninni
skrifa samfelldan texta með einföldum aukasetningum og beita meginreglum um málnotkun
Nemandi skal geta hagnýtt þá almennu þekkingu og leikni sem hann hefur aflað sér til að:
afla orðaforða um ákveðið efni og gera munnlega grein fyrir verkefninu
lesa skáldsögu og tjá sig um hana með tali og ritun
lesa smásögur og tjá sig munnlega og skriflega um efni þeirra með viðeigandi orðaforða
hlusta á og miðla efni með viðeigandi orðaforða
Fjölbreytt námsmat endurspeglar markmið áfangans í öllum færniþáttum í samræmi við evrópsku tungumálamöppuna (ETM).
Námsmat er í formi símats; munnlegra og skriflegra smærri og stærri verkefni sem dreifast jafnt yfir önnina. Þau byggja á kennara-, sjálfs- og jafningjamati og á virkni og verkefnaskilum nemenda, þar sem færniþættirnir lesskilningur, hlustun, tal og ritun, auk málfræði eru metnir.