Lögð er áhersla á að nemendur verði vel færir í mismunandi aðferðum til að lesa og skilja flóknari ritmáls-og talmálstexta en áður og geti greint og túlkað dýpri merkingu þeirra. Nemendur fá ríkuleg tækifæri til að þjálfa sig í beitingu málsins í ræðu og riti. Nemendur verða færir um að vinna að viðamiklum verkefnum þar sem lögð er sívaxandi ábyrgð á herðar þeirra. Þeir þurfa að sýna frumkvæði og að þeir geti samtímis sinnt hugðarefnum sínum og þjálfast í öguðum vinnubrögðum. Áfanganum er skipt í þjá hluta þar sem nemendur bera sjálfir ábyrgð á vali, efnisöflun, birtingarformi og námsmati.Hér er ferlið ekki síður mikilvægur þáttur en það sem að út úr vinnunni kemurog þess vegna þurfa nemendur að halda ítarlega dagbók meðan á vinnunni stendur ásamt því að safna í sýnismöppu úrvali verkefna sem endurspegla færni þeirra í öllum þáttum tungumálsins. Þessari möppu er skilað í lok annar ásamt greinargerð nemandans um nám sitt í faginu og vangaveltur um framfarir.
DANS2UB05
Nemandi skal hafa öðlast þekkingu og skilning á:
hvernig hann greinir ólík viðhorf og gildi og hvernig þau móta danska menningu og geta tengt þau eigin samfélagi og menningu
hvernig hann tileinkar sér orðaforða sem er nauðsynlegur til að mæta hæfniviðmiðum áfangans þ.m.t orðasamböndum og þverfaglegum orðaforða
hvernig hann notar tungumálið til að mæta hæfniviðmiðum þrepsins bæði munnlega og skriflega
Nemandi skal hafa öðlast leikni í að:
taka þátt í samræðum á viðeigandi hátt og geta beitt málfari við hæfi, af öryggi og án mikillar umhugsunar
taka þátt í umræðum um kunnugleg málefni og geta gert grein fyrir skoðunum sínum og haldið þeim á lofti
skrifa margs konar texta ( s.s ritgerðir og skýrslur, bréf ) formlegan og óformlegan og fylgja helstu rithefðum og reglum um málbeitingu
skilja fólk með dönsku að móðurmáli án teljandi erfiðleika
beita öllum helstu lestraraðferðum af kunnáttu
Nemandi skal geta hagnýtt þá almennu þekkingu og leikni sem hann hefur aflað sér til að:
skilja langanog fjölbreyttan málflutning, bæði lifandi mál og upptekið efni
lesa og skilja nánast allar gerðir ritaðs máls s.s. bókmenntaverk og geta greint stílbrigði og lesið sérhæfðan texta með aðstoð orðabókar
tjá sig af nokkru öryggi og án mikillar umhugsunar og orðaleitar og geta sett fram hugmyndir sínar og skoðanir af nákvæmni og komið þeim kunnáttusamlega til annara
geta gefið skýrar nákvæmar lýsingar á flóknum málefnum og dregið saman í niðurstöður
geta skrifað um flókin efni í bréfum, ritgerðum og skýrslum og lagt áherslu á það sem hann telur vera mikilvæg málefni
geta skrifað útdrætti og ritdóma um bókmenntaverk og aðra viðunandi texta.
Fjölbreytt námsmat endurspeglar markmið áfangans í öllum færniþáttum í samræmi við evrópsku tungumálamöppuna (ETM).
Námsmat er í formi símats; munnlegra og skriflegra smærri og stærri verkefni sem dreifast jafnt yfir önnina. Þau byggja á kennara-, sjálfs- og jafningjamati og á virkni og verkefnaskilum nemenda, þar sem færniþættirnir lesskilningur, hlustun, tal og ritun, auk málfræði eru metnir.