Áfanginn er áætlaður sem grunnáfangi þrjú í íslensku fyrir tvítyngda nemendur sem eru farnir að tala og skilja íslensku þokkalega. Nemendur halda áfram að tileinka sér undirstöðuatriði tungumálsins og halda áfram að byggja upp flóknari orðaforða auk þess að þjálfast í hlustun, ritun, lestri og tali. Markmið áfangans er einnig áhersla á hugtök annarra námsgreina og ritgerðasmíð þar sem gerð verður heimildaritgerð sem tengist annarri námsgrein sem nemendur stunda samhliða íslenskunáminu. Áfanginn raðast á B2 samkvæmt evrópska tungumálarammanum (ETM).
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta markmiðum áfangans
grundvallarþáttum íslenska málkerfisins
sértækum hugtökum annarra námsgreina
reglum um uppsetningu á heimildaritgerðum
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
fylgja einföldum fyrirmælum á íslensku
lesa léttan texta og taka þátt í umræðum sem innihalda algengan orðaforða
skilja einföld hugtök annarra námsgreina
skrifa sjálfur stuttan texta í ritgerð og umorða léttan texta úr heimildum
leita að heimildum í ritgerðir og kunna að nýta þær á réttan hátt
fara eftir grundvallarreglum sem gilda um ritað mál og nota viðeigandi málfar
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega um efni sem hann þekkir
geta skilið einfalt talað mál
geta skilið einfalda skriflega texta
nýta sér betur hugtök annarra námsgreina
geta skrifað stutta heimildaritgerð um annað námsefni
tileinka sér aðalatriðin í stuttum og/eða einföldum rauntextum af ýmsu tagi og geta dregið ályktanir af því sem hann les
Þekking er metin með skriflegum könnunum og verkefnum sem bæði eru unnin heima og í kennslustundum.
Leikni er metin með fjölbreyttum verkefnum, könnunum og kynningum sem taka mið af færniþáttunum fjórum samkvæmt ETM (tali, hlustun, lestri og ritun).
Hæfni er metin með skriflegum könnunum, verkefnavinnu og með kynningum samkvæmt markmiðum ETM.