Í áfanganum er farið í forgangsröð aðgerða, almenn brot, bókstafareikning, jöfnur, prósentur og hnitakerfi. Stefnt er að því að byggja upp jákvætt viðhorf og efla sjálfstraust nemenda hvað varðar stærðfræði.
Einkunn 1-4 á grunnskólaprófi
Nemandi skal hafa öðlast þekkingu og skilning á:
undirstöðuatriðum um talnameðferð
aðgerðum á heilum tölum, forgangsröð aðgerða og notkun sviga
styttingu og lengingu brota, samnefnara, samlagningu brota og margföldun brota
algengum prósentureikningi
undirstöðuatriðum algebru og hvernig bókstafir eru notaðir til þess að tákna stærðir
rétthyrndu hnitakerfi í fleti
Nemandi skal hafa öðlast leikni í að:
setja fram og rökstyðja niðurstöður sínar með skýrum hætti
nota vasareikni við lausn viðfangsefna
nota stærðfræðileg vinnubrögð
Nemandi skal geta hagnýtt þá almennu þekkingu og leikni sem hann hefur aflað sér til að:
fást við stærðfræðileg viðfangsefni dagslegs lífs
skilja merkingu og tengsl hugtaka í námsefninu og geta unnið með þau
skrá lausnir sínar skipulega, skiptast á skoðunum við aðra um þær og útskýra á viðeigandi hátt
greina og hagnýta upplýsingar á sviði stærðfræði sem birtast m.a. í fjölmiðlum
nota jöfnur við lausn ýmissa verkefna
Námsmat er útfært í kennsluáætlun í samræmi við skólanámskrá.