Farið er í undirstöðuatriði íslenskrar málfræði, bókmennta, ritunar og lesturs til þess að undirbúa nemendur undir frekara nám í framhaldsskóla. Einnig eru nemendur þjálfaðir í framkomu og tjáningu. Þetta er síðari áfangi af tveimur í undirbúningsnámi.
Nemandi skal hafa öðlast þekkingu og skilning á:
móðurmáli sínu
helstu málfræðihugtökum
mismunandi málsniðum og ritgreglum sem þeim fylgja
orðaforða umfram það sem tíðkast í talmáli
stafsetningu og greinamerkjasetningu
mismunandi lestraraðferðum
helstu bókmenntahugtökum
mismunandi tegundum bókmennta og nytjatexta
Nemandi skal hafa öðlast leikni í að:
lesa til að þjálfa lesskilning sinn og bæta leshraða
nýta algengustu hugtök í málfræði til að bæta eigin málfærni
nota orðabækur og önnur hjálpargögn við námið
draga saman aðalatriði í ritmáli
nota bókmenntahugtök í umræðum og verkefnum
taka saman og flytja stuttar endursagnir, lýsingar og kynningar á afmörkuðu efni
Nemandi skal geta hagnýtt þá almennu þekkingu og leikni sem hann hefur aflað sér til að:
rita texta sem nýtist í áframhaldandi námi í íslensku
rita texta óhindrað með málfræðilega réttu orðalagi
auka læsi
auka öryggi sitt í stafsetningu og greinamerkjasetningu
túlka og meta atburðarás og persónur í bókmenntum eða annars konar frásögnum
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni. Skriflegt lokapróf.