Framhaldsáfangi í eðlisfræði án verklegs innihalds. Efnisatriði: Takmarkaða afstæðiskenningin, afstæði tíma, lengdar og massa, tengsl massa og orku, hraðasamlagning, Lorentzjöfnur, svarthlutur, geislunarróf, röntgenlampi, Bohr-atómið, de Broglie bylgjulengd, óvissulögmálið, skammtatölur, Schrödingerjafnan, bindiorka, kjarnorka, helmingunartími, geislunarstuðull, geislastyrkur, tímalenging/tímasparnaður við ferðalag nærri ljóshraða og byggilegar fjarplánetur
EÐLI3VS05 eða EÐLI3RS05
Nemandi skal hafa öðlast þekkingu og skilning á:
afstæði tímans
tvíburaþversögninni og úrlausn hennar
samlagningu hraða
afstæði massa og orku
skömmtun efnis og orku
svarthlutarhugtakinu
stöðu rafeindar í vetnisatóminu
gleypnirófi og geislunarrófi
rauðvik og blávik vs. litróf
óvissulögmálinu og þýðingu þess fyrir atómið
uppbyggingu atómsins út frá skammtatölum
bindiorku og kjarnorku
hrörnun geislavirkra kjarna og helmingunartíma
helstu sjónarmiðum er varða langferðir í geimnum
Nemandi skal hafa öðlast leikni í að:
leysa eðlisfræðidæmi
leiða út eðlisfræðilögmál með algebru, deildun og rökleiðslu
hugsa um viðfangsefni þar sem tíminn er afstæður
finna lit og geislastyrk
undirbúa og taka þátt í faglegri og agaðri umræðu um vísindaleg málefni
tjá sig um vísindaleg málefni fyrir framan áheyrendur
afla fanga um vísindaleg málefni á erlendu tungumáli í bókum og á netinu
reikna út virkni geislavirks sýnis sem fall af tíma
Nemandi skal geta hagnýtt þá almennu þekkingu og leikni sem hann hefur aflað sér til að:
tengja eðlisfræðina við daglegt líf og umhverfi og gera sér grein fyrir notagildi hennar
afla gagna sjálfstætt um eðlisfræðilegt viðfangsefni á erlendu tungumáli og skila skriflegri niðurstöðu
komast að tölulegum niðurstöðum um umhverfi sitt á grundvelli fyrirliggjandi gagna
rökræða með árangri um vísindaleg málefni
Eftirfarandi aðferðir til námsmats koma til greina: Skriflegt eða munnlegt lokapróf, skrifleg eða munnleg hlutapróf á önninni, þátttaka og frammistaða í umræðuhópum með kennaramati, sjálfsmati og/eða jafningjamati, skiladæmi, nemendaritgerðir, nemendafyrirlestrar með kennaramati, sjálfsmati og/eða jafningjamati, hópverkefni í tíma og utan tíma