Framhaldsáfangi þar sem lögð er áhersla á að beita rannsóknaraðferðum og kenningum með það að markmiði að auka þekkingu nemenda á afbrotafræði sem fræðigrein. Jafnframt verður leitast við að nemendur þekki samhengi menningar og afbrota. Mikilvægt er að nemendur geti greint hvaða þættir í umhverfi einstaklingsins geta haft áhrif og aukið líkurnar á að hann leiðist í afbrot. Lögð er áhersla á að nemendur öðlist færni í að beita helstu hugtökum og kenningum afbrotafræðinnar
FÉLA3KS05
Nemandi skal hafa öðlast þekkingu og skilning á:
tengslum félagsmótunar og afbrota
afbrotafræði sem fræðigrein
samhengi menningar og afbrota
frávikum og afbrotum sem afstæðum fyrirbærum
Nemandi skal hafa öðlast leikni í að:
skipuleggja ferilmöppu
greina frá hvernig afbrot geta verið breytileg eftir tímabilum innan sama samfélags
greina frá hvernig afbrot eru afstæð eftir menningu samfélagsins
skilgreina ólík hugtök og nálganir afbrotafræðinnar
skýra hvernig hægt er að beita ólíkum kenningum í afbrotafræði
skýra hvernig beita á ólíkum aðferðafræðilegum sjónarhornum í afbrotafræði
Nemandi skal geta hagnýtt þá almennu þekkingu og leikni sem hann hefur aflað sér til að:
skilgreina og skýra helstu hugtök greinarinnar
beita gagnrýnni hugsun í fræðilegri umræðu sem og í almennri umræðu
skilja helstu aðferðir greinarinnar og nýta sér kenningar hennar í leik og starfi
Hlutapróf, lokapróf, kynningar, heimaverkefni, ferilmappa, tímaverkefni, umræður, jafningjamat og sjálfsmat