Framhaldsáfangi þar sem lögð er áhersla á að beita rannsóknaraðferðum og kenningum með það að markmiði að auka skilning á mismunandi félagslegum viðfangsefnum. Jafnframt verður leitast við að auka félagslegt innsæi nemenda og skilning þeirra á viðfangsefnum eins og félagslegri lagskiptingu, afbrotum, samskiptum og fjölmiðlum. Mikilvægt er að nemandinn geti greint ólík viðfangsefni útfrá ólíkum sjónarhornum með mismunandi kenningar og rannsóknaraðferðir í huga. Að loknum áfanganum á nemandinn að geta beitt mismunandi aðferðum við greiningu og mat á ólíkum félagslegum viðfangsefnum
FÉLA2ES05
Nemandi skal hafa öðlast þekkingu og skilning á:
helstu aðferðum í rannsóknum
helstu kenningalegu sjónarhornum
áhrifum samskipta á hversdagslegt líf
frávikum og afbrotum
félagslegri lagskiptingu
kynhlutverkum
Nemandi skal hafa öðlast leikni í að:
framkvæma einfalda rannsókn
skilja hvernig samskipti virka og hvernig hægt er að móta líf sitt með samskiptahæfni
greina frávik og afbrot og helstu kenningar á sviðinu
skilja kosti og galla félagslegrar lagskiptingar
Nemandi skal geta hagnýtt þá almennu þekkingu og leikni sem hann hefur aflað sér til að:
geta beitt gagnrýnni hugsun í fræðilegri umræðu sem og í almennri umræðu
skilja helstu aðferðir greinarinnar og geta nýtt sér kenningar hennar í leik og starfi
Hlutapróf, lokapróf, kynningar, verkefni heima og í tíma, umræður, jafningjamat, sjálfsmat