Í áfanganum er félagsfræðin kynnt sem fræðigrein, eðli hennar, saga og þróun félagsvísinda. Ítarlega er fjallað um þrjú kenningaleg sjónarhorn greinarinnar og haldið áfram að vinna með grunnhugtök. Rætt verður um þróun samfélaga, menningu, lagskiptingu, vinnumarkað, fjölmiðla, kynhlutverk og fordóma í félagsfræðilegu ljósi. Nemendur kynnast rannsóknaraðferðum félagsfræði, bæði með því að lesa um þær og spreyta sig á þeim.
Inngangur að félagsvísindum
Nemandi skal hafa öðlast þekkingu og skilning á:
helstu kenningum félagsfræðinnar
hugtökunum menning og samfélag, þróun og helstu gerðum samfélaga
hvernig menningin mótar samskipti í ólíkum samfélögum
ólíkum viðhorfum til vinnu og vinnumarkaðar
hvernig lagskipting, kynhlutverk og fjömiðlar móta hegðun fólks
algengum fordómum gagnvart hópum fólks og birtingu þeirra í samfélaginu
helstu rannsóknaraðferðum félagsfræðinnar
Nemandi skal hafa öðlast leikni í að:
afla sér traustra upplýsinga um félagsfræðileg efni
beita að minnsta kosti einni viðurkenndri rannsóknaraðferð félagsfræðinnar – á einfaldan hátt
beita helstu grundvallarhugtökum félagsfræðinnar í umfjöllun um félagsfræðileg málefni á skilmerkilegan hátt
greina áhrif fjölmiðla, kynhlutverka og fordóma á eigin hegðun og annarra
fjalla um félagsfræðileg efni bæði munnlega og skriflega
Nemandi skal geta hagnýtt þá almennu þekkingu og leikni sem hann hefur aflað sér til að:
tengja félagsfræðina við daglegt líf og sjá notagildi hennar
meta og hagnýta sér upplýsingar um þau málefni sem greinin fjallar um
meta gagnsemi mismundandi rannsóknaraðferða við ólíkar aðstæður
leggja mat á eigin fordóma gagnvart öðrum hópum og greina ástæður þeirra
gera úttekt á tilteknu félagslegu fyrirbæri með viðurkenndri rannsóknaraðferð og setja fram niðurstöður munnlega, skriflega og/eða með sjónrænum hætti
taka þátt í rökræðum um félagsfræðileg málefni
tileinka sér víðsýni, jafnréttissjónarmið og umburðarlyndi
Í áfanganum er leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.