Það kom upp villa senda inn  Áfangi

    Áfangi Nánari upplýsingar


    Búið til: 1433805526.08

    Handavinna málmiðna 1
    SMÍÐ1NH05
    1
    Smíðar
    Notkun handverkfæra, vélavinna
    Samþykkt af skóla
    1
    5
    AV
    Nemandinn fær almenna kynningu á umhverfi á málmsmíðaverkstæði ásamt helstu umgengnis- og öryggisreglum. Þá er farið yfir meðferð og notkun helstu mælitækja, handverkfæra og einföldustu tækja til smíða sem notuð eru í málmiðnaði. Unnið er að verkefnum þar sem nemandinn les vinnuteikningar, fær þjálfun í að mæla, merkja, saga, sverfa, bora, snitta, slípa, o.s.frv. Jafnframt lærir nemandinn að nota handbækur og töflur. Lögð er áhersla á að nemandinn kunni skil á vinnsluhætti rennibekkja, borvéla og fræsivéla og læri umhirðu véla og verkfæra sem hann vinnur með. Nemandinn öðlast nægilega færni til að leysa einföld verkefni í rennibekk innan 0,1 mm málvika. Farið er yfir grunnþætti í þunnplötusmíði, helstu verkfæri og vélar, þannig að nemandinn geti smíðað einfalda hluti. Samhliða kennslunni fer fram fræðsla um slysahættu og öryggisþætti á vinnustað, þar sem rík áhersla er lögð á umgengni við vélar og verkfæri sem unnið er með.
    engar
    Nemandi skal hafa öðlast þekkingu og skilning á:
    • meðferð og umhirðu verkfæra
    • mælitækjum og uppmerkitækjum
    • notkun slípibanda og smergelskífa
    • almennum öryggisreglum á vinnusvæði
    • mikilvægi þess að ganga þrifalega um vinnusvæði sitt
    • mikilvægi þess að ganga á réttan hátt frá spilliefnum, t.d. olíu og olíublautum pappír
    • mikilvægi góðrar loftræstingar
    • undirstöðuatriðum heilsuverndar
    • réttri notkun hlífðarfatnaðar og persónuhlífa
    Nemandi skal hafa öðlast leikni í að:
    • smíða hluti úr mismunandi málmum
    • lesa af teikningum
    • beita mælitækjum og uppmerkitækjum
    • beita helstu hjálpartækjum, t.d. rissnál, vinkli, hæðarrissi og hringfara við uppmerkingu á efni fyrir vinnslu
    • beita réttri yfirborðsmeðhöndlun miðað við efnisgerð og notkun
    • velja sér skeráhöld til verka
    • draga bor og rennistál ef á þarf að halda
    • bora í málma af mismunandi gerðum og þykktum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • efna niður og málsetja einfalda hluti úr málmi
    • ákveða rétta vinnsluaðferð
    • velja réttar þjalir fyrir efni og áferð
    • velja bora eftir efnum sem bora skal og snúningshraða eftir borstærð og efnum
    • velja rétta borstærð í töflu eftir stærð snitttappa sem nota á
    • gera skrúfgang með snittverkfærum og nota snitttöflu i verklegum æfingum
    • skipuleggja vinnu sína á sjálfstæðan og agaðan hátt
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.