Það kom upp villa senda inn  Áfangi

    Áfangi Nánari upplýsingar


    Búið til: 1433852642.87

    Tölfræði og prósentur
    STÆR1PT05(SB)
    66
    stærðfræði
    Talnareikningur, hlutföll, prósentur, veldi og tölfræði
    Samþykkt af skóla
    1
    5
    SB
    Áfanginn sem er þrískiptur og er lokaeinkunn gefin eftir hverja lotu. Í fyrsta hluta, talnareikningi, er unnið með talnaskilning og undirstöðuatriði í almennum reikningi. Í öðrum hluta,prósentureikningi og hlutföll, er unnið með hugtakið prósenta og einfaldur prósentureikningur æfður. Í þriðja hluta, tölfræði, er unnið með talnasöfn, töflur og myndrit
    Áfanginn ætlaður nemendum sem koma með einkunnina 5 eða lægri í stærðfræði upp úr grunnskóla
    Nemandi skal hafa öðlast þekkingu og skilning á:
    • samlagningu, frádrætti, margföldun og deilingu heilla talna
    • talnakerfinu
    • notkun sviga og röð aðgerða
    • notkun velda
    • frumþáttun náttúrlegra talna
    • að prósenta er hluti af hundraði
    • einföldum prósentureikningi
    • hugtökunum þýði og úrtak
    • tíðnitöflu og myndritum
    • meðaltali, miðgildi og tíðasta gildi
    Nemandi skal hafa öðlast leikni í að:
    • vinna með tölur og námunda þannig að auðvelt sé að reikna í huganum
    • reikna dæmi með svigum og nota reglu um röð aðgerða
    • nota veldi í útreikningi
    • frumþátta tölur
    • finna hluta, heild og prósentu
    • hækka og lækka tölu um ákveðna prósentu
    • vinna með talnasafn og búa til tíðnitöflu
    • setja upp súlurit, stöplarit og línurit
    • finna meðaltal, miðgildi og tíðasta gildi talnasafns
    • lesa upplýsingar út úr myndritum og töflum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk
    • átta sig á tengslum ólíkra aðferða við framsetningu stærðfræðilegra hugmynda og viðfangsefna
    • skilja merkingu og tengsl hugtaka í námsefninu í áframhaldandi námi
    • takast á við stærðfræðileg verkefni í daglegu lífi með opnum og jákvæðum huga
    Námsmat er fjölbreytt og byggist m.a. heimaverkefnum, hópverkefnum, smærri verkefnum, prófum og virkni í tímum