Grunnþættir: Læsi og sköpun
Í þessum áfanga er lögð áhersla á læsi, ritun, tjáningu, sköpun og málnotkun. Lestur mismunandi texta s.s. blaðagreina, ljóða, skáld- og smásagna og fjölbreytta úrvinnslu. Hvetja nemendur til lesturs, efla sjálfstraust þeirra og jákvæða upplifun af faginu. Nemendur þjálfist í samvinnu og samræðulist, skiptist á skoðunum, rökræði og tjái sig jafnt munnlega sem skriflega. Lögð er áhersla á lesefni sem vekur áhuga og annað efni svo sem kvikmyndir og þætti, auk teiknimynda og myndasagna. Nemendur þjálfist í ritun texta af ýmsu tagi og æfi sig í notkun hjálpargagna við ritun. Frumkvæði, ábyrgð og sjálfstæð vinnubrögð eru höfð að leiðarljósi.
Nemandi skal hafa öðlast þekkingu og skilning á:
helstu reglum sem nýtast í tal- og ritmáli
orðaforða umfram það sem tíðkast í talmáli
mismunandi lestraraðferðum
nokkrum tegundum bókmennta og nytjatexta og helstu hugtökum sem nýtast við umfjöllun um bókmenntir og aðrar listgreinar
ýmiss konar hjálpargögnum og gagnlegum vefsíðum um mál og málnotkun
Nemandi skal hafa öðlast leikni í að:
skrifa fjölbreyttan texta í samfelldu máli með skýrri framsetningu
nota viðeigandi hjálpargögn við frágang ritsmíða
nota blæbrigðaríkt og viðeigandi mál í ræðu og riti
draga saman aðalatriði úr ýmsu efni og leita sér upplýsinga og nýta sér þær til gagns
taka saman og flytja stuttar endursagnir, lýsingar og kynningar á afmörkuðu efni
lesa sér til gagns og gamans
Nemandi skal geta hagnýtt þá almennu þekkingu og leikni sem hann hefur aflað sér til að:
semja stutta texta með viðeigandi málfari
forðast einhæfni og endurtekningar í málnotkun sinn
halda uppi samræðum og rökstyðja eigin skoðanir á málefnalegan hátt
túlka og tjá sig um mismunandi efni
auka og styrkja eigin orðaforða og málhæfni t.d. með því að nýta sér hjálpargögn
vinna að skapandi verkefnum í tengslum við námsefnið