Í áfanganum verður fjallað um framandi menningarheima og svokölluð þróunarlönd. Nemendur kynnast hugtökum, kenningum og mikilvægi þróunarsamvinnu til bættara samfélags í anda mannréttinda og velferðar. Nemendur kynnast ólíkum samfélagsgerðum og helstu vandamálum þróunarlanda. Skoðaðar verða orsakir félagslegrar lagskiptingar og misskiptingar auðs og lífsgæða í heiminum. Nemendur kynnast afleiðingum fátæktar í heiminum og mikilvægi sjálfbærni í því samhengi. Nemendur átti sig á mikilvægi þess að vera meðvitaðaðir um samábyrg gildi og viðhorf til að stuðla að jafnræði í heiminum. Markmiðið er að nemendur átti sig á þriðja heiminum og mikilvægi þess að allir jarðarbúar geti framfleytt sér ásamt því að auðlindir jarðarinnar eru sameign íbúa hennar.
Nemandi skal hafa öðlast þekkingu og skilning á:
að lýsa helstu hugtökum sem notuð eru til að greina fátækt
að greina einkenni félagslegrar lagskiptingar
að lýsa helstu heitum sem notuð eru til að aðgreina ríkar þjóðir frá snauðum
að skýra hugtakið þróun og fátækt
orðaforða til að geta tjáð skoðanir sínar og rökstutt sína þekkingu á þróunarlöndum
sérþekkingu sem snýr að fátækum þjóðum og þau mannréttindabrot sem þau glíma við
Nemandi skal hafa öðlast leikni í að:
fjalla um ólíkar samfélagsgerðir í ræðu og riti
beita kenningum í takt við þá hugmyndafræði sem kynnt er
tjá sig um menningareinkenni sem tengja má við þá lífssýn að maðurinn er hluti af náttúrunni
leita sér upplýsinga um mismunandi lönd og stöðu þeirra í alheimssamfélaginu
geta greint frá mismunandi skilyrðum sem einkenna samfélög og fengið þjálfun til ábyrgrar heimildaöflunar
sýna sjálfstæði er kemur að því að tjá sig um ólíkar heimsálfur
Nemandi skal geta hagnýtt þá almennu þekkingu og leikni sem hann hefur aflað sér til að:
rökstyðja hvernig nútímavæðing hefur haft áhrif á þróunarferli samfélaga ...sem er metið með... verkefnavinnu, umræðum og könnunarprófi.
bera saman kenningar, hugtök og hugmyndafræði sem hann hefur lært til að mynda sér sértæka skoðun í takt við sína siðferðisvitund ...sem er metið með... umræðum, könnunarprófi og verkefnavinnu.
draga ályktanir um framandi menningarheima með því að meta gildi mismunandi heimilda ...sem er metið með... heimildavinnu og fyrirlestrum.
átta sig á mikilvægi þess að jörðin sem og náttúruauðlindir hennar er sameign allra íbúa ...sem er metið með... verkefnavinnu og kynningum.
bera virðingu fyrir öllum íbúum jarðarinnar ...sem er metið með... ígrundun um grunngildi samfélagsins og metið með verkefnavinnu og rökræðum
Fjölbreytt námsmat í formi munnlegra og skriflegra verkefna. Bæði er um hóp- og einstaklingsverkefni að ræða. Nemendur taka auk þess nokkur próf yfir önnina.