Í áfanganum lærir nemandinn grunnatriði í véltrésmíði. Fjallað er um algengustu trésmíðavélar sem notaðar eru í tré- og byggingaiðnaði, meðferð þeirra og umhirðu. Farið er yfir grunnatriði við vinnslu á gegnheilum viði, stillingar, fyrirbyggjandi viðhald, hlífar, hjálpartæki og notkunarleiðbeiningar og merkingar á tækjum og búnaði. Lögð er áhersla á líkamsbeitingu og öryggismál um umgengni við tæki og búnað.
engar
Nemandi skal hafa öðlast þekkingu og skilning á:
uppbyggingu og notkun á algengustu trésmíðavélum
öryggiskröfum sem gerðar eru við vinnu við trésmíðavélar
Nemandi skal hafa öðlast leikni í að:
nota trésmíðavélar við vinnu á gegnheilum viði á öruggan hátt
ganga um trésmíðaverkstæði sem vinnustað
velja bitverkfæri við hæfi
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með gegnheilan við í bútsög, afréttara, þykktarhefli og plötusög
gera sér grein fyrir því hvaða hættur eru fyrir hendi við vélavinnu og bregðast við þeim á réttan hátt
vera ábyrgur við notkun og umgengni um trésmíðavélar og trésmíðaverkstæði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.