reglugerðir, skipulag og hönnun, öryggismál á byggingastað
Samþykkt af skóla
1
3
AV
Í áfanganum er fjallað um bygginga- og mannvirkjagerð með áherslu á reglugerðir, verkferli og öryggismál. Nemandinn lærir um undirbúning og upphaf framkvæmda, hlutverk og ábyrgð einstakra fagstétta, skipulag og stjórnun á vinnustað, samstarf og samskipti, áætlanagerð og gæðastýringakerfi. Kennd er notkun hlífðarbúnaðar, meðferð hættulegra efna og farið yfir notkun hjálpartækja og búnaðar við mismunandi verk. Nemandinn fær kynningu á grundvallaratriðum hollustuhátta og vinnuverndar og lærir um öryggismál á vinnustað. Einnig er nemandanum gerð grein fyrir námsleiðum í bygginga- og mannvirkjagreinum á framhalds- og háskólastigi.
engar
Nemandi skal hafa öðlast þekkingu og skilning á:
grundvallaratriðum hollustuhátta og vinnuverndar og öryggismálum á vinnustað
algengasta hjálparbúnaði í byggingaiðnaði
varúðarráðstöfunum í óloknum byggingum og mannvirkjum
hefðbundnu byggingaferli frá hugmynd til lokaúttektar
grundvallaratriðum laga og reglugerða um skipulags‐ og byggingamál
stíl‐ og fagurfræði bygginga og mannvirkja
grunnatriðum gæðastjórnunar og verkskipulags
réttindum og skyldum iðnaðarmanna
námsleiðum í bygginga‐ og mannvirkjagreinum á framhalds‐ og háskólastigi
Nemandi skal hafa öðlast leikni í að:
nota rétta líkamsbeitingu og viðeigandi hlífðarbúnað í starfi
nota viðeigandi hjálparbúnað
leita upplýsinga í reglugerðum um skipulags– og byggingamál
leita upplýsinga í reglugerðum um öryggi og vinnuvernd
vinna eftir mismunandi verkferlum
Nemandi skal geta hagnýtt þá almennu þekkingu og leikni sem hann hefur aflað sér til að:
fylgja reglum um öryggismál á vinnustað
vera meðvitaður um eigin ábyrgð og skyldur
vinna samkvæmt byggingareglugerð
fylgja gæðastýringu/eftirliti
velja sér námsleið að loknu grunnnámi
velja viðeigandi hjálparbúnað
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.