Meginefni áfangans eru skilgreiningar og reiknireglur á vigrum í sléttu og á hnitaformi, vigrar í þrívídd og hnit þeirra. Einnig er fjallað um sögulega þætti flatarmyndafræði og sannanir á nokkrum völdum reglum, stikaform sléttu, línu og ferla. Fjallað er um keilusnið, jöfnur þeirra og speglunareiginleika. Nemendur þurfa að kunna skil á almennri flatarmyndafræði og þekkja helstu reglur og frumhugtök í tví- og þrívíðri rúmfræði, þrívíðu hnitakerfi og túlkun jafna í þrívídd eða fleiri víddum.
STÆR2HV05
Nemandi skal hafa öðlast þekkingu og skilning á:
skilgreiningum og reiknireglum vigra í sléttu og rúmi
stikaformi línu í tvívíðu og þrívíðu rúmi
stikaformi sléttu, jöfnu sléttu og línu ákvarðaða af tveimur sléttum
horni milli lína, horni milli sléttna og horni milli línu og sléttu
krossfeldi
fjarlægð milli punkta og línu, fjarlægð milli punkts og sléttu, fjarlægð milli samsíða slétta og fjarlægð milli mislægra lína
keilusniðum og eiginleikum þeirra
Nemandi skal hafa öðlast leikni í að:
beita vigurreikningi í sléttum fleti
finna stikaform lína og slétta
finna innfeldi og krossfeldi vigra
sanna helstu reglur í þrívíðri rúmfræði
vinna með keilusnið
nota grafíska vasareikna og stærðfræðiforrit
Nemandi skal geta hagnýtt þá almennu þekkingu og leikni sem hann hefur aflað sér til að:
skiptast á skoðunum við aðra
útskýra hugmyndir sínar og verk skilmerkilega og á viðeigandi hátt
kynna ólíkar aðferðir við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta, þar með taldar sannanir í námsefni
beita skipulegum aðferðum við að leysa úr viðfangsefnum og þrautum