Efni áfangans skiptist í raffræði, bylgjufræði og flóknari hreyfilýsingu en í EÐL2HK05. Í raffræðinni er unnið með jafnstraumsrásir og ýmis grunnhugtök sem tengjast þeim. Fjallað er um raforku og rafafl og notkunarmöguleika þétta. Áhersla er lögð á hvernig raffræðin snertir daglegt líf nemenda. Í bylgjufræðinni er fjallað um helstu hugtök og reglur sem tengjast bæði efnisbylgjum og ljósi. Loks er unnið með hreyfi- og kraftafræði Newtons, fyrir reglubundna sveiflu og hreyfingu í þyngdarsviði. Í verklegum æfingum er sérstök áhersla lögð á túlkun og meðhöndlun grafa auk þess sem ætlast er til að framsetning gagna úr verklegum tímum sé á tölvutæku formi. Nemendur eiga að öðlast leikni í að vinna með eðlisfræðileg tæki svo sem fjölsviðsmæla og tölvutengd mælitæki og geta gert grein fyrir og útskýrt þau lögmál sem notuð eru í bóklegum og verklegum tímum.
Helstu efnisatriði eru:
• Spenna, straumur, viðnám, hitastigull viðnáms
• Rafafl, raforka og varmaorka
• Viðnámstengingar, lögmál Kirchhoffs
• Plötuþéttar, orka þéttis, afhleðsla, leifturljós
• Lögmál bylgjufræðinnar um ljós, hljóð og vatn
• Samliðun, brot bylgna, staðbylgjur, Dopplerhrif
• Geislagangur í gegnum linsur
• Hreyfing í þyngdarsviði, lögmál Keplers og Newtons
• Reglubundin sveifluhreyfing, lögmál Hookes
EÐLI2HK05
Nemandi skal hafa öðlast þekkingu og skilning á:
hugtökum sem snerta raffræði jafnstraumsrása
einföldum rafrásum og fjölsviðsmælum
helstu eiginleikum þétta og bera saman hvernig þeir eru nýttir
raforkuframleiðslu með vatnsafli og jarðgufuvirkjunum
tengslum lögmála bylgjufræðinnar við ýmsa þætti daglegs lífs
hreyfingu gervihnatta og reikistjarna í þyngdarsviði
hreyfingu af völdum breytilegs krafts
Nemandi skal hafa öðlast leikni í að:
setja fram og vinna með og töluleg gögn
snúa eðlisfræðijöfnum til að einangra mismunandi stærðir
setja eðlisfræðilegar upplýsingar fram með jöfnum
gera skýringarmyndir af uppsetningu tilrauna sem hann framkvæmir
setja eðlisfræðilegar mælingar fram í töflum og línuritum
vinna með ýmiss konar tæki m.a. tölvutengd við framkvæmd tilrauna
nota tölvuforrit við lausn verkefna og ritun skýrslna
Nemandi skal geta hagnýtt þá almennu þekkingu og leikni sem hann hefur aflað sér til að:
túlka lögmál eðlisfræðinnar með eigin orðum
skýra fyrir öðrum og ræða um þau eðlisfræðilegu fyrirbæri sem hann hefur kynnst
sýna sjálfstæði í vinnubrögðum og bera ábyrgð á eigin námsframvindu
vinna í hóp að mælingum og athugunum í eðlisfræði
nota línurit við túlkun eðlisfræðilegra mælinga
vinna með jöfnur og leysa verkefni sem tengjast eðlisfræðilögmálunum
leggja á gagnrýnin hátt mat á upplýsingar sem tengjast eðlisfræði
tengja þekkingu sína í eðlisfræði við daglegt líf sitt og umhverfi og sjá notagildi hennar
Þátttaka nemenda í verklegum æfingum og umræðum um námsefnið og efni tengt því er metin. Nemendur skila skýrslum og úrvinnslu úr tilraunum. Vinnubók nemenda með verkefnum og dæmum er metin tvisvar á önn. Einnig eru skrifleg próf notuð til að meta hæfniviðmiðin.