Í áfanganum er fjallað um einkenni og mögulegar afleiðingar streitu og kreppu (þroskafræðilegar og sálfræðilegar kreppur). Farið er í geðraskanir út frá DSM-V flokkunarkerfinu. Helstu einkenni, tíðni, orsakir og mögulegar meðferðarleiðir kynntar. Markmið umfjöllunar og verkefnavinnu áfangans er að auka þekkingu, skilning, virðingu og umburðarlyndi gagnvart einstaklingum með geðraskanir.
SÁLF1AK05
Nemandi skal hafa öðlast þekkingu og skilning á:
helstu einkennum og orsökum streitu og kreppu
einkennum, algengi, áhættuþáttum og mögulegum orsökum helstu geðraskana
uppbyggingu og notkun þekktustu flokkunarkerfa geðrænna vandamála
ólíkum meðferðarformum afbrigðasálfræðinnar
Nemandi skal hafa öðlast leikni í að:
greina helstu einkenni streitu og kreppu
greina einföld, dæmigerð einkenni hinna ýmsu geðraskana með rökstuðningi
nota DSM-V flokkunarkerfið við greiningu geðrænna vandamála
nýta sér innlendar og erlendar fræðigreinar ásamt APA heimildarskráningu
þekkja og geta tengt saman íslensk og erlend hugtök (samheiti) er tengjast efni áfangans
tjá sig í ræðu og riti á ábyrgan hátt gagnvart geðrænum vandamálum
beita þeim leiðum sem fjallað er um í áfanganum sem stuðla að andlegri vellíðan og heilbrigði
Nemandi skal geta hagnýtt þá almennu þekkingu og leikni sem hann hefur aflað sér til að:
geta unnið í samvinnu við aðra
geta lagt rökstutt mat á geðræn vandamál í sjúkrasögum sem unnið er með í áfanganum
taka afstöðu til og rökræða ýmis álitamál er tengjast efni áfangans
í ræðu og riti fjalla um geðraskanir af virðingu og víðsýni og vinna þannig gegn fordómum
gera sér grein fyrir hvernig stuðla megi að bættu geðheilbrigði