Í áfanganum er farið í hlutverk næringarefna í líkamanum og hvernig komið er í veg fyrir næringarskort. Fjallað er um orku- og næringarþörf einstaklinga og útreikningar á orkuþörf metnir með tilliti til opinberra ráðlegginga. Fjallað er um orkuefnin kolvetni, fitu og prótein, vítamín og steinefni. Melting og frásog og nýting næringarefna eru jafnframt skoðuð.
Fjallað er um næringarþarfir sérstakra hópa, s.s. barna, unglinga, aldraðra og íþróttafólks. Einnig er fjallað um algengt sérfæði m.a. fæðutegundir sem geta valdið ofnæmi og óþolsviðbrögðum . Fjallað er um fæðutengdar ráðleggingar til Íslendinga, tilgang og niðurstöður íslenskra neyslukannana
Nemandi skal hafa öðlast þekkingu og skilning á:
hlutverki næringarefna og áhrifum skorts á líkamsstarfsemi
orku- og næringarþörf mismunandi hópa, eftir aldri, líkamsástandi og hreyfingu
útreikningi fyrir orkuþörf einstaklinga
útreikningi á næringargildi máltíða
meltingu og frásogi næringarefna
opinberum ráðleggingum og hvers vegna neyslukannanir eru lagðar fyrir
Nemandi skal hafa öðlast leikni í að:
greina hollt mataræði frá óhollu út frá opinberum ráðleggingum
nota hugtök áfangans sem hann hefur öðlast þekkingu á í réttu samhengi og á rökréttan hátt
reikna út eigin orkuþörf og næringarinnihald máltíða
Nemandi skal geta hagnýtt þá almennu þekkingu og leikni sem hann hefur aflað sér til að: