Í áfanganum er fjallað um vöruflokka úr dýra- og jurtaríkinu, framleiðslu
þeirra ásamt neytendafræði. Nemendur eiga að kunna skil á reglugerð um
merkingu matvæla og aukefni í matvælum. Skoðaðar eru vörur sem tengjast sérfæði.
HEMF2HR03
Nemandi skal hafa öðlast þekkingu og skilning á:
reglugerðum um merkingu matvæla
vöruflokkum er tengjast sérfæði og hráefni sem valdið getur ofnæmi og óþoli
að gera samanburð á vörugæðum og vöruverði
ýmsum þáttum neytendaþjónustu og rétti neytenda
mikilvægi viðurkenndra vörulýsinga, vörumerkinga og vöruvottunar
algengustu umhverfismerkjum .
Nemandi skal hafa öðlast leikni í að:
lesa innihaldslýsingar á vörum og geta valið örugg matvæli með tilliti til ofnæmis og óþols
að bera saman vöruverð og vörugæði
afla hagnýtra upplýsinga um reglugerðir um merkingu matvæla
Nemandi skal geta hagnýtt þá almennu þekkingu og leikni sem hann hefur aflað sér til að:
velja hráefni við hæfi fyrir alla matreiðslu sérfæðis
tjá sig um fagleg málefni er snúa að rétti neytenda
tjá sig um mikilvægi viðurkenndra vörulýsinga, vörumerkinga og vöruvottunar
útskýra algengustu umhverfismerkin
vísa á reglugerðir sem í gildi eru um merkingu matvæla og aukefni í matvælum
Fjölbreytt námsmat, sjá nánari útfærslu í kennsluáætlun.