20. öldin er til umfjöllunar. Farið er í sögulega viðburði og þróun en einnig er tæpt á sögufrægum einstaklingum og þeir settir í samhengi við samfélag sitt. Farið er í átök hópa, þau greind og sett í sögulegt samhengi. Lögð er áhersla á skilning, greiningu og tjáningu nemenda um sögulega atburði og þróun. Markmið sögukennslu og áhrif hennar eru rædd og ígrunduð. Áhersla er á fjölbreytni, bæði í vali á efnisþáttum, úrvinnslu á efni og námsmati. Færni í ritgerðasmíð og heimildavinnu er sett í forgang. Gerð er krafa um að nemendur tileinki sér vönduð vinnubrögð við heimilda- og ritgerðavinnu. Námið er þematengt og námsmat úr hverjum efnisþætti.
SAGA2NÖ05 (SAG2B05)
Nemandi skal hafa öðlast þekkingu og skilning á:
völdum þáttum úr sögu 20. aldar.
átökum hópa og ástæður þeirra.
sagnfræðilegum vinnubrögðum.
greiningu heimilda.
mikilvægi vandaðrar heimildavinnu.
áhrifum fortíðar á nútíð.
mikilvægi sjálfstæðrar afstöðu til sögulegra atburða og þróunar.
Nemandi skal hafa öðlast leikni í að:
lesa ólíka sagnfræðilega texta.
greina stöðu ólíkra hópa.
meta heimildir.
ritgerðarsmíð.
vinna með heimildir.
frágangi heimilda.
Nemandi skal geta hagnýtt þá almennu þekkingu og leikni sem hann hefur aflað sér til að:
setja sjálfan sig í samhengi við söguna sem gerandi og skoðandi sem metið er með umræðum, ígrundun, kynningu og skriflegum verkefnum.
geta sett sig í spor og greint stöðu ólíkra hópa.
átta sig á samhengi orsaka og afleiðinga sem metið er með umræðu og skriflegum verkefnum.
taka þátt í umræðu um sagnfræðileg efni sem metið er með umræðum.
beita gagnrýnni hugsun markvisst sem metið er með umræðum og skriflegum verkefnum.
Lögð er rík áhersla á mætingu og þátttöku nemenda. Skrifleg verkefni, ritgerð og kynningar. Stutt próf úr einum námsþætti. Nemendur verða metnir sem einstaklingar og hluti af hóp. Jafningjamat og sjálfsmat.