Það kom upp villa senda inn  Áfangi

    Áfangi Nánari upplýsingar


    Búið til: 1436280468.55

    Vefforritun I
    VFOR1HC05(FB)
    2
    Vefforritun
    Grunnartriði vefforritunar
    Samþykkt af skóla
    1
    5
    FB
    Í áfanganum læra nemendur grunnatriðin í vefsíðugerð og vinna með skjöl á netþjóni. Markmið námskeiðsins er að stuðla að öflugri færni þátttakenda í notkun á HTML og CSS við að hanna vefsíður sem verða hýstar á netþjóni sem nemendur tengjast og vinna með í gegnum FTP forrit. Lögð er áhersla á frumkvæði, ábyrgð og almennar vinnureglur tengdar forritunarvinnslu og annarri almennri vinnslu á Netinu. Lögð er rík áhersla á að námskeiðið nýtist sem góður undirbúningur fyrir frekara nám.
    Nemandi skal hafa öðlast þekkingu og skilning á:
    • helstu aðgerðum í HTML forritunarmálinu
    • helstu aðgerðum í CSS málinu
    • notkun á ritlum til þess að vinna með við forritun og að tengjast netþjóni til þess að færa gögn á
    • hvernig uppsetning á forritunarkóða á að vera
    • hvernig á að skipuleggja vinnusvæði á netþjóni vefsíðunnar
    • hvar er gott að finna útskýringar á HTML og CSS forritunaraðgerðum á Netinu
    Nemandi skal hafa öðlast leikni í að:
    • að vinna með HTML forritunarkóða til að setja upp einfaldar vefsíður
    • að vinna með CSS kóða til að stjórna útliti á vefsíðum
    • að nota ritil í forritunarvinnu
    • að nota ritil og önnur sérhæfðari forrit til þess að tengjast netþjóni
    • að setja upp forritunarkóða á réttan hátt
    • sjálfstæðum vinnubrögðum
    • að nota Netið sem hjálpartæki
    Nemandi skal geta hagnýtt þá almennu þekkingu og leikni sem hann hefur aflað sér til að:
    • setja upp einfaldar vefsíður með notkun HTML forritunartungumálsins
    • að stjórna útliti einstakra hluta á vefsíðu með CSS málinu
    • hafa forritunarkóða sína rétt uppsetta
    • hafa vinnuskjöl sem notuð eru á Netinu rétt uppsett
    • hafa vinnusvæði sín skipulögð
    • tengjast netþjónum með FTP forritum og færa skjöl á milli einkatölvu og netþjóns
    • vinna sjálfstætt að verkefnum
    • geta leitað á Netinu að upplýsingum um forritunarkóða sem hann skilur ekki
    Þekking er metin jafnt og þétt yfir tímabilið með verkefnum unnum í kennslustundum og heima, einnig með áfangaprófum og stóru lokaverkefni. Leikni er metin út frá vinnubrögðum við uppsetningu, byggingu og frágang forritunarkóða. Hæfni er metin í verkefnavinnu og prófum út frá getu nemandans til þess að hanna og setja upp vefsíðu. Einnig er hæfni metin með því að nemendur lesa tilbúinn forritunarkóða og útskýra virknina á bakvið hann.