Viðfangsefni áfangans er knattspyrna og eru kennslutímarnir að mestu verklegir. Lesefni, myndbönd o.fl. tengt viðfangsefninu verður sett á moodle og nemendur vinna fjölbreytt verkefni (einstaklings, hópa, umræðuþræðir o.fl.). Í áfanganum verður farið í a.m.k. eina æfinga- og/eða keppnisferð til Akureyrar. Í áfanganum verður lögð sérstök áhersla á eftirfarandi tækni og leikfræðileg atriði, þ.e. einleikur eða samspil í sóknarleiknum og pressa eða völdun í varnarleiknum.
ÍÞRF2ÞJ05
Nemandi skal hafa öðlast þekkingu og skilning á:
mikilvægi góðrar og vel uppsettrar upphitunar sem hluti af æfingu
reglum knattspyrnunnar
hvað hugtökin einleikur, samspil, pressa og völdun eru og mikilvægi þeirra í sóknar- og varnarleik í knattspyrnu
nýtingu spils í fámennum liðum til að þjálfa einleik og samspil í sóknarleik og pressa og völdun í varnarleik
muninum á annars vegar einleik og samspili í sóknarleik og hins vegar á pressu og völdun í varnarleik
Nemandi skal hafa öðlast leikni í að:
framkvæma góða og skipulagði upphitun til undirbúnings fyrir æfingu og keppni
útfæra og framkvæma leikfræðileg atriði með mismunandi erfiðleikastigi æfinga, þ.e. frá einföldum til flókinna æfinga
meta knattspyrnureglurnar við að horfa á kappleiki og dæma hjá samnemendum
meta hvort einleikur eða samspil í sóknarleik sé rétt í mismunandi aðstæðum í leik, bæði í fámennum sem og fjölmennum liðum
meta hvort pressa eða völdun í varnarleik sé rétt í mismunandi aðstæðum í leik, bæði í fámennum sem og fjölmennum liðum
Nemandi skal geta hagnýtt þá almennu þekkingu og leikni sem hann hefur aflað sér til að:
bæta sig sem knattspyrnumaður
meta og velja réttar æfingar til að þjálfa ákveðin tækni- og leikfræðileg atriði
meta og velja spilaform í fámennum liðum til að þjálfa mismunandi tækni- og leikfræðileg atriði
geta útskýrt og leiðbeint um hvort annars vegar einleikur eða samspil og hins vegar pressa eða völdun sé rétt í mismunandi aðstæðum í leik og þá af hverju
geta tekið þátt í umræðum um viðfangsefnin á faglegan og uppbyggilegan hátt
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni og áhuga.