Í áfanganum er fjallað um öryggismál og aðbúnað á vinnustöðum. Nemendur þurfa að kunna grunnatriði skyndihjálpar svo sem fyrstu viðbrögð við áföllum og slysum. Nemendur fá þjálfun í hvað beri að gera þegar þeir koma að slysum eða þegar óhöpp verða. Hér er átt við atriði eins og hvert á að hringja, hvernig á að tryggja vettvang og hvaða kröfur eru gerðar til þess er fyrstur kemur á vettvang. Nemandi kynnist öryggisþáttum vinnustaða eins og neyðarútgöngum, viðbrögðum við bruna og öðrum þáttum er tengjast öryggsmálum í matvælagreinum. Einnig er fjallað um grunnþætti er varða atvinnusjúkdóma.
Nemandi skal hafa öðlast þekkingu og skilning á:
lögum og reglum um aðbúnað, hollustuhætti og vinnuöryggi á vinnustöðum
skipulagi brunavarna á vinnustöðum og kröfum um öryggismál
vinnuslysum og helstu orsökum þeirra
hvað þarf að hafa í huga varðandi tilkyningu vinnuslysa
meðferð hættulegra efna
mismunandi gerðum slökkvitækja og notkun þeirra
miklvægi réttar líkamsbeitingar og helstu atvinnusjúkdómum í matvælagreinum
öryggiskröfum sem gerðar eru til tækja, véla og annars búnaðar sem notaður er við dagleg störf í matvælagreinum og eftirlitsskyldu með þeim
fjórum skrefum skyndihjálparkeðjunnar sem eru að; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp
helstu áverkaeinkennum og réttum viðbrögðum við þeim
helstu einkennum bráðra veikinda og réttum viðbrögðum við þeim
Nemandi skal hafa öðlast leikni í að:
bregðast við slysum á vinnustað
umgangast og beita öryggisbúnaði og tækjum
umgangast hættuleg efni
umgangast vélar og tæki af öryggi
leita upplýsinga í lögum og reglum um öryggi, aðbúnað og hollustuhætti á vinnustað
sýna rétt viðbrögð við slysum
meta ástand sjúkra og slasaðra
veita skyndihjálp við slys og bráð veikindi
Nemandi skal geta hagnýtt þá almennu þekkingu og leikni sem hann hefur aflað sér til að:
bregðast rétt við hvers kyns utanaðkomandi hættum
átta sig á réttindum og skyldum starfsmanna á vinnustað
fyrirbyggja óhöpp og slys á vinnustað
beita slökkvitækjum rétt
geta veitt sálræna skyndihjálp
geta veitt endurlífgun og kunna á sjálfvirk stuðtæki í neyðartilfellum
geta lagt sjúkling í læsta hliðarlegu og tryggt þannig öryggi hans
geta bundið um sár og flutt sjúkling til við yfirvofandi hættu