Í þessum áfanga er byggt ofan á efni fyrri ÍÞF áfanga. Til dæmis verður farið nánar í íþróttameiðsli, meðferð og forvarnir. Farið verður yfir samspil næringar, heilsu og íþróttaiðkunar og nemendur fræðast um neyslu fæðubótaefna fyrir íþróttamenn. Kennd verða helstu atriði varðandi skipulag íþróttaþjálfunar og nemendur nýta sér þekkingu sína í þjálffræði til að útbúa æfingaáætlanir fyrir ýmsa hópa. Þá verður fjallað um lyfjaneyslu og misnotkun íþróttamanna. Nemendur fá tækifæri til að kenna íþróttir í grunnskóla. Komið verður inn á það sem efst er á baugi varðandi íþróttarannsóknir bæði á Íslandi og erlendis. Áfanginn er bóklegur.
Nemendur hafi lokið við ÍÞRF3VK05, SKYN1EÁ01
og NÆRI1NN05
Nemandi skal hafa öðlast þekkingu og skilning á:
íþróttameiðslum, meðferð og forvörnum
næringu fyrir íþróttafólk
fæðubótarefnum sem ætluð eru fyrir íþróttafólk
skipulagi íþrótta fyrir afreksfólk og aðra
eðli og umfangi lyfjamisnotkunar í íþróttum
íþróttafræði sem framhaldsnámi
söfnun heimilda og meðferð þeirra við gerð ritgerða um íþróttir
samvinnu í hópi við gerð verkefna sem fjalla um íþróttir
undirbúningi kennslu í íþróttum í grunnskóla
Nemandi skal hafa öðlast leikni í að:
að bregðast við meiðslum í íþróttum
að nota fyrirbyggjandi aðferðir eins og „teipingar“
að meta heimildir og fjalla af skilningi um ýmislegt sem tengist íþróttum og þjálffræði
að vinna í hópi við gerð verkefna
að meta þörf á fæðubótarefnum við íþróttaiðkun
að kenna íþróttir í grunnskóla
Nemandi skal geta hagnýtt þá almennu þekkingu og leikni sem hann hefur aflað sér til að:
búa til skipulag fyrir hópa og einstaklinga í íþróttum
leiðbeina íþróttaiðkendum um næringu
velja sér framhaldsnám
forða iðkendum, sem þeir þjálfa, frá misnotkun lyfja til að bæta árangur sinn
skrifa ritgerðir og skýrslur og nýta sér heimildir
undirbúa og kenna íþróttir
Tekið er skyndipróf um íþróttameiðsli. Nemendur skila ýmsum verkefnum varðandi alla námsþætti, ýmist einstaklingsverkefnum eða hópverkefnum. Nemendur fá tækifæri til að kenna íþróttir í grunnskóla.