Almenn hönnun: Hönnun, nýsköpun og frumkvöðlamennt
HÖNN3NF05(FB)
7
hönnun
Frá hönnun til markaðssetningar
Samþykkt af skóla
3
5
FB
Í áfanganum fá nemendur innsýn í hvernig markaðsfræði fjallar um leiðina frá hugmynd að vöru. Lögð er áhersla á að nemendur kynnist fjölbreytileika hönnunar og markaðslögmálum greinarinnar við atvinnulífið í formi nýsköpunar, vöruþróunar, menningar, lista og stílsögu. Vinna nemendur með frjálsan hugbúnað sem henta við hugmyndavinnu og hönnun. Fjallað verður um ýmsa grunnþætti varðandi hráefnis- og vöruþekkingu og lög og reglugerðir. Mikilvægt er að nemendur átti sig á hlutverki þekkingar í hönnun og nýsköpun. Nemendum verði ljós gagnsemi hönnunar ásamt fjölbreyttum starfsvettvangi í samfélaginu, geti skilgreint markaði og markhópa, fái innsýn í viðskiptaáætlun, s.s. hlutverk, stefnu, markmið, sölumál, samkeppni, greiðsluáætlun með það að markmiði að setja upp pop-up verslun. Fái leiðbeiningu um hvernig og hvar hægt er að sækja um styrki til ákveðinna verkefna. Farnar eru vettvangsferðir í tengslum við námsefnið. Nemendur halda dagbók, útbúa viðskiptaáætlun sem hópaverkefni og kynna hver fyrir öðrum. Að endingu er sett upp sýning eða sölubás.
UPPT2UT05 — Upplýsingatækni og tölvunotkun
Nemandi skal hafa öðlast þekkingu og skilning á:
hugmynda-, skipulags og hönnunarvinnu í tölvu og fríum forritum sem eru á markaðnum
hlutverki hönnunar- og markaðsgreina í tengslum við atvinnulíf, þróun og nýsköpun
fyrirtækjum, menntunarmöguleikum, stofnunum, lögum og reglugerðum, réttindum og skyldum sem heyra undir hönnunar- og markaðsgreinar
mikilvægi starfskynninga og því að fylgjast með framleiðanda í atvinnulífinu
framleiðslu- og markaðsferli á vöru eða þjónustu
hvernig hugmynd er breytt í söluvöru og hvernig framleiðsla og sala tengist kröfum og réttindum neytenda
hönnunarlögum, hönnunarvernd og einkaleyfum
tengslum greinarinnar við menningu og listir
starfs- og markaðsfærni greinarinnar í formi nýsköpunar, vöruþróunar og markaðssetningar
gagnsemi hönnunar í umhverfi okkar og samtímanum
gerð styrkumsókna og hvaða leiðir eru í boði
Nemandi skal hafa öðlast leikni í að:
greina þarfir, tækifæri og möguleika við hönnun og framleiðslu á hlut í tengslum við vettvangs- og vinnustaðaheimsóknir í atvinnulífinu
tengja námið við framhaldsnám eða þátttöku í atvinnulífi
nýta þekkingu og reynslu úr atvinnulífinu og bera saman við eigin reynsluheim
greina hvað hefur áhrif á neysluvenjur, breyttar þarfir, tækniframfarir og nýjungar
greina sambandið milli hugmyndar, hráefnis, tækni, aðferða og niðurstaðna
skynja hvernig hönnun, framleiðsla og markaðssetning helst í hendur
greina það ferli sem fyrirtæki þurfa að fara í gegnum til þess að koma vöru/þjónustu í sölu
greina hvernig verki er skipt upp í verkþætti, verkaskiptingu og framleiðsluferli með gerð áætlana og styrkumsókna
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér upplýsingatækni og frjálsan hugbúnað við hönnun, hugmynda- og verkefnavinnu á skapandi hátt
greina þarfir, tækifæri og möguleika við hönnun og framleiðslu á nytjahlut
geta tengt námið við framhaldsnám eða með þátttöku við atvinnulífið
greina samband milli hugmyndar, hráefnis, tækni, aðferða og niðurstaðna
greina það ferli sem fyrirtæki þurfa að fara í gegnum til þess að koma vöru og þjónustu í sölu með þátttöku í söluviðburðum
hafa innsýn í skipulagningu og viðburði á sviði hönnunar
geta borið saman og gagnrýnt hönnun í samtímanum í umræðum og rituðu máli.
geta gert vandaða umsókn og skýrslu og kynnt hana viðeigandi aðilum
getað endurskapað eigin atvinnu eða skapað eigin tækifæri