Farið í grunnatriði leiksins og reglur með það að leiðarljósi að nemendur verði áhugasamir um að stunda íþróttina í framtíðinni. Farið er yfir helstu hugtök íþróttagreinarinnar t.d. Badminton, líkamsstaða, grip, forhönd, bakhönd, uppgjöf, staðsetning, hreyfing, að slá bolta, skellur, háhögg, lauma, netlauma, lyftilauma, þjálfun, leikfræði, leikvöllur, einliðaleikur, tvíliðaleikur, leikreglur. Dómgæsla. Áfanginn er verklegur en að auki vinna nemendur verkefni sem tengist viðfangsefninu.
HLSE1AH02
Nemandi skal hafa öðlast þekkingu og skilning á:
undirstöðuþáttum í badminton
reglum í íþróttagreininni
helsta búnaði sem notaður er í badminton
orðalagi sem tengist íþróttagreininni
æfingum í badmintoni og þjálfunaraðferðir eins og þol og styrk
mikilvægi hreyfingar í hvaða formi sem er
Nemandi skal hafa öðlast leikni í að:
skipuleggja sínar tækniæfingar og æfingu í badminton
spila badminton á réttan hátt
vinna með öðrum og myndað félagsleg tengsl
Nemandi skal geta hagnýtt þá almennu þekkingu og leikni sem hann hefur aflað sér til að:
leysa af hendi verkefni sem snúa að skipulagi eigin þjálfunar
spila badminton með þeim reglum sem íþróttinni fylgja
Námsmat er útfært í kennsluáætlun í samræmi við skólanámskrá.