Áfanginn er valáfangi fyrir alla nemendur og kjörsviðsáfangi náttúrufræðibraut.
Náttúra Íslands er skoðuð, sérstök áhersla er lögð á sérstöðu lands, fersksvatns og sjávar, fjölbreytileika, stofna lífvera og framvindu í lífkerfum. Farið er í vettvangsferðir t.d. í fjöru og að Ástjörn. Litið er til sjálfbærrar nýtingar stofna og lífrænna auðlinda ásamt því að skoða helstu rök fyrir náttúruvernd. Lögð er áhersla á að nemendur öðlist skilning á umhverfi sínu, áhrifum manna á umhverfið þ.e.a.s. umhverfismál og mikilvægi þeirra í daglegu lífi. Vistfræðilegar rannsóknaraðferðir eru kynntar og fjöldi íslenskra rannsóknastofnanna. Verklegar æfingar eru í hópum og á eigin vegum.
Engar
Nemandi skal hafa öðlast þekkingu og skilning á:
fjölbreytileika lífvera, sérkenni íslenskrar náttúru og nánasta umhverfis
lífbeltum jarðar, mismunandi gerðum vistkerfa og framvindu
fæðukeðjum, hringrásum, líflandafræði og nýjum tegundum
samskiptum lífvera, þolsviði, sess og útbreiðslu
alþjóðlegum umhverfismálum
þjóðgörðum á Íslandi og helstu rökum fyrir náttúruvernd
vistfræðirannsóknum og úrvinnslu gagna
Nemandi skal hafa öðlast leikni í að:
lesa líffræðilegan texta og skilja umfjöllun um helstu viðfangsefni áfangans, nota upplýsingatækni við heimildaöflun og vinnu
beita vísindalegum aðferðum við framkvæmd verklegra æfinga og við einfaldar vistfræðirannsóknir
nýta sér greiningarlykla til að greina lífverur
skrifa skýrslur og leysa verkefni um afmörkuð viðfangsefni
fara í vettvangsferðir, skoða og njóta náttúru Íslands
fjalla um álitamál sem varða íslenska náttúru
tjá kunnáttu sína munnlega og skriflega
Nemandi skal geta hagnýtt þá almennu þekkingu og leikni sem hann hefur aflað sér til að:
tengja undirstöðuþekkingu í vistfræði við daglegt líf og umhverfi
leggja mat á upplýsingar sem tengjast vistfræðilegum viðfangsefnum í samfélaginu
átta sig á þýðingu náttúrunnar sem fæðugjafa og umhverfis
mynda sér skoðanir og afstöðu til mála sem snerta vistfræði, bera virðingu fyrir og taka ábyrga afstöðu til hegðunar sinna með tilliti til lifandi náttúru
beita öguðum vinnubrögðum, taka ábyrgð á eigin námi í einstaklingsverkefnum og í samvinnu við aðra
Námsmat er útfært í kennsluáætlun í samræmi við skólanámskrá.