Í fyrri hluta áfangans kynnast nemendur völdum tímabilum í myndlistarsögunni, allt frá list Forn-Grikkja til upphafs módernismans á síðari hluta 19. aldar. Í síðari hlutanum er rakin samfelld saga módernismans í myndlist á Vesturlöndum fram til um 1970 auk þess sem fjallað er um helstu fulltrúa íslenskrar myndlistar á þessu tímabili. Í lokin kynnast nemendur helstu stefnum og straumum í samtímamyndlist. Kennslan byggir á fyrirlestrum, heimildamyndum, heimaverkefnum og hópverkefnum sem nemendur kynna og ræða í kennslustundum.
Engar
Nemandi skal hafa öðlast þekkingu og skilning á:
helstu stefnum og straumum valinna tímabila í myndlistar- og hönnunarsögu Vesturlanda frá tímum Forn-Grikkja til upphafs módernismans.
samfelldri sögu myndlistar og hönnunar á Vesturlöndum frá upphafi módernismans til um 1970.
helstu stefnum og straumum í alþjóðlegri myndlist samtímans.
Nemandi skal hafa öðlast leikni í að:
leita sér upplýsinga á myndlistarsögunni með lestri bóka og notkun upplýsingaveitna.
greina á milli ólíkra stíla, efnistaka og innihalds myndlistar á þeim tíma sem um er fjallað.
greina höfundareinkenni þeirra myndlistarmanna sem um er fjallað.
vinna með öðrum nemendum að greiningu myndverka og miðla henni munnlega, skriflega og sjónrænt.
Nemandi skal geta hagnýtt þá almennu þekkingu og leikni sem hann hefur aflað sér til að:
greina myndverk út frá myndbyggingu, formum, litanotkun, inntaki, stíl og efnistökum. Námsmat: verkefnamat, leiðsagnarmat.
tengja þróun í myndlist við aðrar listgreinar og samfélagslegar og hugmyndafræðilegar hræringar á hverjum tíma. Námsmat: verkefnamat, leiðsagnarmat.
miðla þekkingu sinni á myndlist og hönnun munnlega, skriflega og sjónrænt með greiningarhugtökum listsagnfræði. Námsmat: frammistöðumat, verkefnamat.
Verkefnavinna, frammistöðumat, hópvinna, sjálfsmat, jafningjamat og símat (ástundun, þátttaka og framfarir).