Áfanginn fjallar um þroskaferil manneskjunnar og helstu hugtök og álitamál þroskasálfræðinnar. Sérstaklega er tekinn fyrir þroski líkamans, tilfinninga, félagslegra samskipta og hugsunar. Áhersla er lögð á þroska sjálfsmyndarinnar og hvernig hún mótast með aldrinum. Einnig verður vikið að þroskahömlunum og þær skoðaðar út frá líffræðilegu og sálfræðilegu sjónarhorni. Nemendur átta sig á áhrifum erfða og umhverfis á þroskaferilinn. Mótunaráhrif fjölskyldu og vina verða skoðuð, ásamt kynjamun og kynhlutverkum. Komið verður inn á vandamál barna og unglinga (t.d. geðræn, tilfinningaleg, líkamleg, náms- eða hegðunarvandamál). Viðfangsefnin geta verið breytileg og mótast af áhuga nemenda.
SÁLF2IS05 (SÁL2B05)
Nemandi skal hafa öðlast þekkingu og skilning á:
þeim þroskabreytingum sem eiga sér stað frá getnaði til grafar.
rannsóknaraðferðum þroskasálfræðinnar.
mismunandi þroskasviðum mannsins.
áhrifaþáttum þroskans.
helstu geðröskunum barna og unglinga.
helstu hugtökum og kenningum þroskasálfræðinnar.framlagi þroskasálfræðinnar innan sálfræðinnar og til samfélagsins.
Nemandi skal hafa öðlast leikni í að:
greina helstu breytingar sem verða á þroskanum yfir æviskeiðið.
miðla sérhæfðri færni með því að beita almennum og sértækum. vinnubrögðum, verkfærum og aðferðum.
afla upplýsinga í þroskasálfræði, greina þær og setja í fræðilegt samhengi.
nýta fræðilegan texta í þroskasálfræði á íslensku og erlendu tungumáli.
miðla fræðilegu efni í þroskasálfræði skýrt og skilmerkilega í ræðu og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
greina áhrif umhverfis og erfða á mismunandi þroskasvið sem metið er með hópvinnu og dagbókarskrifum.
afla upplýsinga í þroskasálfræði til að nota við úrlausn verkefna sem metið er á grundvelli kynningar og framsetningar á gögnum sem nemandinn skilar af sér.
þekkja og skilja aðferðir í rannsóknum á mismunandi þroskasviðum sem metið er með rökstuddri notkun hans á grunnhugtökum og kenningum.
meta eigið vinnuframlag og annarra í verkefnavinnu sem metið er með jafningjamati.
greina helstu geðraskanir barna- og unglinga sem metið er með rannsóknarvinnu og hópvinnu.
taka þátt í rökræðum um málefni sem tengjast þroskasálfræðinni sem metið er með umræðum og ritgerðum.
framkvæma eigindlega og/eða megindlega rannsókn og gera grein fyrir helstu niðurstöðum sem metið er með skýrslu og kynningu.
dagbókaskrif, sjálfsmat, símat og jafningjamat. Ástundun og þátttaka í tímum.