Í þessum byrjunaráfanga er lögð áhersla á að nemendur kynnist náttúruvísindum á fjölbreyttan hátt. Í áfanganum er lögð áhersla á eðlisfræði, líffræði, efnafræði, jarðfræði, umhverfisfræði og landafræði (kortalestur). Í áfanganum er kynnt sú aðferðarfræði sem er sameiginleg náttúru- og raunvísindum. Í áfanganum verða eftirfarandi efnisþættir kynntir: eðli vísinda, helstu skref vísindalegra aðferða, SI-einingakerfið, mælinákvæmni og markverðir stafir. Nemendur kynnast grunnatriðum hverrar fræðigreinar fyrir sig og tengslum þeirra við háskólanám og atvinnulífið.
Engar
Nemandi skal hafa öðlast þekkingu og skilning á:
rannsóknaraðferðum í náttúru- og raunvísindum
Helstu grunnatriðum líffræði, efnafræði, eðlisfræði, jarðfræði, umhverfisfræði og landafræði
Grunneiningakerfi, forskeyti og notkun eininga í daglegu lífi
Hvernig náttúruvísindi tengjast atvinnulífinu
Nemandi skal hafa öðlast leikni í að:
vinna með lögmál náttúruvísinda
fjalla um náttúruvísindi
framkvæma tilraunir og skrifa skýrslur sem byggja á vísindalegum vinnubrögðum
búa til myndrit og töflur og nota til að draga ályktanir
Beita mælistærðum, einingum og markverðum tölustöfum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja mikilvægi rannsókna
sýna náttúru, umhverfi sínu og lifandi verum virðingu
tengja þekkingu sína á náttúruvísindum við umhverfi sitt og náttúru Íslands.
sýna sjálfstæði í vinnubrögðum og bera ábyrgð á eigin námsframvindu
velja sér þá námsleið sem nemandi hefur áhuga á
Notast er við fjölbreytt námsmat sem tekur mið af þekkingu, leikni og hæfni nemandans. Leiðsaganrmat/Símat