Grunnnám fyrir fólk sem vill starfa í björgunarsveit. Námið samanstendur af 9 stökum námskeiðum til að afla almennrar þekkingar og skilning á starfi björgunarmannsins. Markmið áfangans er að gera einstaklinginn hæfari til þess að sinna hinum ýmsu verkefnum sem koma upp í björgunarsveit.
Nemandi skal hafa öðlast þekkingu og skilning á:
starfi björgunarmannsins, lögum og reglugerðum sem björgunarmaður gengst undir
þeim tólum og tækjum sem björgunarmaðurinn getur nýtt sér við starf sitt
Nemandi skal hafa öðlast leikni í að:
meta hættur við sjó og vötn
nota fjarskiptatæki
ferðast við mismunandi aðstæður
nota áttavita og staðsetningartæki
meta snjóflóðahættur og leitað að félaga í snjóflóði
beita skipulagðri leit
veita fyrstu hjálp í óbyggðum
síga í klettum, klettaklifri og ísklifri.
Nemandi skal geta hagnýtt þá almennu þekkingu og leikni sem hann hefur aflað sér til að:
vita hvaða kröfur eru gerðar til björgunarmanns ...sem er metið með... vinnuframlagi hans til björgunarsveitarinnar
þekkja hættur sem felast í umgengni við snjó í fjöllum,sjó og vötn ...sem er metið með... verklegum æfingum
beita grunnatriðum í notkun fjarskiptatækja ...sem er metið með... verklegum æfingum
ferðast um svæðið og skipuleggja ferð m.t.t. næringar, ferðahegðunar, notkunar prímusa ...sem er metið með... verklegum og skriflegum æfingum
nota áttavita og staðsetningartæki til að taka stefnur og rata á milli staða ...sem er metið með... verklegum æfingum
geta tekið þátt í leit af týndu fólki ...sem er metið með... verklegum æfingum
geta brugðist rétt við aðstæðum þegar slys ber að höndum á fjöllum ...sem er metið með... verklegum æfingum
kunna notkun tækja við vetrarfjallamennsku s.s. mannbrodda, ísöxi, línumeðferð, sig og létt klifur og að kunna mikilvæga hnúta ...sem er metið með... verklegum æfingum
Námsmatið er fólgið í verklegum og skriflegum æfingum og prófum í sambandi við hvern hluta fyrir sig, nemendur þurfa að taka þátt í starfi með björgunarsveit og skila tímaseðli vegna þess.